Lögregla hafði talsvert viðbragð við Egilsgötu í miðborg Reykjavíkur í morgun eftir að bein fundust þegar unnið var að framkvæmdum á svæðinu.
Unnar Már Ástþórsson, aðalvarðstjóri á lögreglustöðinni á Hverfisgötu, segir í samtali við Vísi að beinin séu nú komin til tæknideildar, sem vinni að því að skera úr um hvort beinin hafi tilheyrt manni eða dýri.
Hann segir ómögulegt að segja til um það að svo stöddu hvort um mannabein sé að ræða.
