Missir af milljónum af því að hann er ekki at­vinnu­maður

Clanton endaði í öðru sæti á John Deere Classic mótinu um helgina og er fyrsti áhugakylfingurinn frá árinu 1958 sem nær inn á topp tíu á tveimur PGA mótum í röð. Hann var í tíunda sæti í vikunni á undan.

„Síðustu vikur hafa verið ótrúlegar. Það hefur verið draumur að fá að spila með síðustu ráshópunum,“ sagði Luke Clanton við CBS Sports. Hann er aðeins tvítugur og þakkar foreldrum sínum fyrir stuðninginn.

„Að sjá mömmu og pabba á átjándu holunni. Öll vinnan sem þau hafa lagt á sig fyrir mig. Nú ætla ég að fara og faðma þau,“ sagði Clanton eftir að hann kláraði hringinn.

Að ná í öðru sæti á John Deere Classic mótinu ætti að skila honum 92 milljónum íslenskra króna í verðlaunafé en Clanton sér samt ekki eina krónu af því.

Reglurnar segja, að hann sem áhugakylfingur, má ekki þiggja verðlaunafé þótt að árangurinn ætti að vera að skila þessum milljónum í vasa hans.

Clanton er því búinn að missa af mörgum milljónum tvær helgar í röð.

Árið 1958 var Billy Joe Patton síðasti áhugamaðurinn til að vera meðal tíu efstu á tveimur PGA-mótum í röð en hann náði því að tveimur risamótum í röð fyrir 66 árum síðan.