Hinn fimmtugi Ham var aðstoðarþjálfari Bucks í fjögur ár áður en hann tók við starfinu hjá Lakers. Eftir að koma liðinu í úrslit Vesturdeildar á sínu fyrsta tímabili þá féll liðið úr leik í fyrstu umferð úrslitakeppninnar í ár. Bæði skiptin féll liðið úr leik gegn Denver Nuggets. Alls stýrði Ham liðinu í 164 leikjum, 90 þeirra unnust en 74 töpuðust.
Darvin Ham is joining the Milwaukee Bucks as the top assistant coach to Doc Rivers, sources tell ESPN. Ham returns to the franchise after spending two years as the Lakers head coach. He had been highly sought-after among teams this spring. pic.twitter.com/k0yZeVKo1t
— Adrian Wojnarowski (@wojespn) June 10, 2024
Hann er nú snúinn aftur til Milwaukee þar sem hann verður að nýju aðstoðarþjálfari en að þessu sinni er hann titlaður sem „helsti aðstoðarþjálfari“ liðsins. Doc Rivers er áfram aðalþjálfari eftir að taka við liðinu á síðustu leiktíð.
NBA-leiktíðinni er ekki enn lokið en úrslitaeinvígi deildarinnar stendur nú yfir. Þar leiðir Boston Celtics 2-0 gegn Dallas Mavericks en næstu tveir leikir fara fram í Dallas.
