Innlent

Kári Stefáns­son, á­kall um vaxtalækkun og hin­segin list

Samúel Karl Ólason skrifar
Erla Björg Gunnarsdóttir ritstjóri fréttastofu Stöðvar 2, Vísis og Bylgjunnar les fréttir í kvöld.
Erla Björg Gunnarsdóttir ritstjóri fréttastofu Stöðvar 2, Vísis og Bylgjunnar les fréttir í kvöld. Vilhelm

Fiskeldisfyrirtæki munu ekki greiða auðlindagjald samkvæmt nýju frumvarpi og verður heimilt að selja eða leigja frá sér laxahlutann án endurgjalds til ríkisins. Í kvöldfréttum verður rætt við matvælaráðherra um umdeilt frumvarp og talsmann Íslenska náttúruverndarsjóðsins sem gagnrýnir málið harðlega.

Þátttaka í bólusetningum gegn mislingum telst ófullnægjandi til að hindra útbreiðslu sjúkdómsins á meðal barna á Íslandi. Yfirlæknir bólusetninga hjá embætti landlæknis segir þróunina mikið áhyggjuefni og Kári Stefánsson mætir í myndver til að ræða stöðuna í beinni.

Verðbólga hjaðnar og hefur ekki mælst minni í tvö ár. Ákall er um vaxtalækkun og við heyrum í formanni Neytendasamtakanna í beinni. Þá sjáum við myndir frá miðborg Lundúna þar sem lausir hestar ullu miklum usla í dag, kíkjum á myndlistasýningu hinsegin ungmenna, sjáum nýtt heimsmet í skíðastökki sem var sett á Akureyri og ræðum við handhafa barnabókmenntaverðlauna Reykjavíkur.

Í sportpakkanum heyrum við Arnóri Þór sem reynir að framkvæma kraftaverk í þýsku úrvalsdeildinni og í Íslandi í dag kíkir Kristín Ólafsdóttir í heimsókn til manns sem hefur skapað sannkallað ævintýraland í bakgarði sínum í Vesturbænum.

Þetta og fleira í opinni dagskrá í kvöldfréttum Stöðvar 2 á samtengdum rásum Bylgjunnar, Vísis og Stöðvar 2 klukkan 18:30.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið