Innlent

Jón Viðar skrif­stofu­stjóri á skrif­stofu opin­berra fjár­mála

Hallgerður Kolbrún E. Jónsdóttir skrifar
Jón Viðar hefur verið skipaður skrifstofustjóri á skrifstofu opinberra fjármála.
Jón Viðar hefur verið skipaður skrifstofustjóri á skrifstofu opinberra fjármála. Stjórnarráðið

Þórdís Kolbrún Reykfjörð Gylfadóttir fjármála- og efnahagsráðherra hefur skipað Jón Viðar Pálmason skrifstofustjóra á skrifstofu opinberra fjármála. 

Þetta kemur fram í tilkynningu á vef Stjórnarráðsins. Segir þar að ellefu hafi sótt um embættið, sem var auglýst til umsóknar í desember. Ekki kemur fram hverjir hinir tíu eru sem sóttu um embættið.

Jón Viðar lauk MPA námi í opinberri stjórnsýslu frá Háskóla Íslands árið 2018 en hafði þar áður lokið meistaragráðu í hagfræði frá Kaupmannahafnarháskóla árið 2009. Grunnur Jóns Viðars er í hagfræði við HÍ, sem hann lauk B.Sc. gráðu í árið 2003. 

Jón Viðar hefur starfað í fjármála- og efnahagsráðuneytinu frá árinu 2018 en var áður deildarstjóri áætlanagerðar og greiningar á velferðarsviði Reykjavíkurborgar.

Vistaskipti Stjórnsýsla Rekstur hins opinbera
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið