Innlent

Kynna allt saman í einum pakka

Lovísa Arnardóttir og Heimir Már Pétursson skrifa
Bjarni vildi ekki svara því hvort hann yrði forsætisráðherra. Það yrði allt kynnt saman í einum pakka.
Bjarni vildi ekki svara því hvort hann yrði forsætisráðherra. Það yrði allt kynnt saman í einum pakka. Vísir/Vilhelm

Bjarni Benediktsson, formaður Sjálfstæðisflokksins og utanríkisráðherra, segist ekki vita hvenær viðræðum formanna stjórnarflokkanna lýkur. Þær gangi í takt við aðstæður. Bjarni ræddi við blaðamenn að loknum fundi þingflokka á Alþingi í dag. 

„Það er margt sem þarf að ræða og óvæntar aðstæður sem flokkarnir vilja bregðast við í takt við aðstæður og reyna að líta fram á veginn og stilla saman strengi,“ segir Bjarni. 

Hann segir að flokkarnir séu að ræða allt sem skiptir málii 

„Við erum að ræða allt sem máli skiptir og greinum frá því í einum pakka.“

Hann segir viðræður ekki stranda á einhverju ákveðnu. Bjarni vildi ekki svara því hver yrði forsætisráðherra. Svo gekk hann á brott.

Þingflokkar funda nú í þinginu en þingmenn hafa ekki viljað gefa sig á tal við blaðamenn. Sigurður Ingi Jóhannsson, formaður Framsóknarflokksins, sagðist ekki hafa mínútu lausa í viðtal fyrir fund. Það sama sögðu Lilja D. Aldfreðsdóttir, ráðherra og þingkona Framsóknar, og Bjarkey Olsen þingkona Vinstri grænna. 

Sjálfstæðisflokkurinn Ríkisstjórn Katrínar Jakobsdóttur Alþingi Vinstri græn Framsóknarflokkurinn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið