Innlent

Kalla eftir að­komu lög­reglu og bruna­varna vegna olíusöfnunar í Vík

Jón Þór Stefánsson skrifar
Olían er nú geymd á þremur stöðum í Vík.
Olían er nú geymd á þremur stöðum í Vík. Jóhann K.

Heilbrigðisnefnd Suðurlands kallar eftir aðkomu sveitarfélagsins Mýrdalshrepps, brunavarna, heilbrigðiseftirlitsins og lögregla vegna olíusöfnunar í Vík.

Þetta kemur fram í nýjustu fundargerð nefndarinnar, frá 21. mars síðastliðnum.

Málið rekur sögu sína til júlímánaðar 2020 þegar Heilbrigðiseftirliti Suðurlands barst starfsleyfisumsókn vegna framleiðslu á lífdísel frá félaginu Orkusjálfbærni ehf. Starfsleyfið var ekki afgreitt þar sem kröfum var ekki mætt.

„Engu að síður hefur umsækjandinn safnað miklu magni af matarolíu, ásamt annarri óskilgreindri úrgagnsolíu,“ segir í fundargerðinni.

HSL kallar eftir aðkomu lögreglu vegna olíusöfnunarinnar.Jóhann K.

Fram kemur að miðað við magn sé um að ræða olíu frá mismunandi atvinnurekstri. Olían sé nú geymd á þremur stöðum í sveitarfélaginu, og án heimilda.

„Athæfi þetta er þess eðlis að Heilbrigðisnefnd telur að sveitarfélagið, brunavarnir, heilbrigðiseftirlit og lögregla ásamt málsaðilum þurfi að koma að málinu,“ segir í fundargerðinni.

Þar kemur jafnframt fram að framkvæmdastjóra Heilbrigðiseftirlits Suðurlands hafi verið falið að fylgja málinu eftir.

Heilbrigðismál Bensín og olía Lögreglumál Mýrdalshreppur Umhverfismál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið