Innlent

Kvöld­fréttir Stöðvar 2

Magnús Jochum Pálsson skrifar
Margrét Helga Erlingsdóttir les fréttir á Stöð 2, klukkan hálf sjö í kvöld.
Margrét Helga Erlingsdóttir les fréttir á Stöð 2, klukkan hálf sjö í kvöld.

Vegurinn yfir Öxnadalsheiði verður ekki opnaður í dag og staðan verður ekki metin aftur fyrr en í fyrramálið. Ferðalangar óku margir um Tröllaskaga til að komast leiðar sinnar, bílaröð myndaðist í gegnum Siglufjörð um tíma og þurfti lögregla að stýra umferð um Múlagöng. Við ræðum ófærðina og snjómokstur við G. Pétur Matthíasson, samskiptastjóra Vegagerðarinnar, í beinni.

Þá tölum við einnig við verkefnastjóri forvarna hjá borginni sem segir áhyggjuefni að hópamyndun unglinga við verslunarkjarna og víðar sé að aukast. Neikvæðar hliðar þessa séu ofbeldi og neysla vímuefna. Dæmi væru um að börn hafi fundist meðvitundarlaus eftir landadrykkju.

Við fjöllum um árásir Ísraelshers á sendiráðsbyggingu Írans í Damaskus í Sýrlandi og sýnum myndir af eyðileggingu við al-Shaifa sjúkrahúsið í Gasaborg.

Þá heimsækir Magnús Hlynur Fishersetrið á Selfossi sem nýtur mikilla vinsælda meðal skákmanna og við sýnum mörg af flottustu mótorhjólum landsins sem sýnd voru í dag í tilefni af fjörutíu ára afmæli bifhjólasamtakanna Sniglanna

Kvöldfréttir Stöðvar 2

Mest lesið


Fleiri fréttir

Sjá meira


×

Mest lesið