Innlent

Missti stjórn á skapi sínu og dró upp hníf

Ólafur Björn Sverrisson skrifar
Sérsveit Ríkislögreglustjóra var kölluð út vegna manns með hníf í Hagkaup.
Sérsveit Ríkislögreglustjóra var kölluð út vegna manns með hníf í Hagkaup. Hagkaup

Maður á þrítugsaldri var handtekinn í versluninni Hagkaup í Skeifunni í gærkvöldi eftir að hafa ógnað fólki með hnífi. Maðurinn missti stjórn á skapi sínu.  

Þetta segir Skúli Jónsson aðstoðaryfirlögregluþjónn í samtali við Vísi um málið.

Hann segir manninn hafa verið einan að verki en engum varð meint af þessum tilburðum hans.

„Lögregla og sérsveit tryggði þennan mann bara hratt og örugglega,“ segir Skúli. Í nótt var greint frá því að mikill fjöldi ungra drengja hafi sést á vettvangi en Skúli segir ekkert benda til þess að þeir eigi hlut að máli.

Maðurinn er fæddur árið 2000. Hann er enn í haldi lögreglu og formleg skýrslutaka á enn eftir að eiga sér stað.

„Staðan á honum hefur verið með þeim hætti að það hefur allavega enn ekki verið rætt við hann.“

Búast megi við því að maðurinn verði yfirheyrður og honum sleppt í framhaldinu. Hann megi hins vegar búast við sektargerð vegna vopnaburðar.

Lögreglumál Reykjavík

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið