Spá því að verðbólga hjaðni rólega næstu mánuði Lovísa Arnardóttir skrifar 14. mars 2024 16:54 Mest áhrif til hækkunar í spám beggja banka eru reiknuð húsaleiga, flugfargjöld til útlanda, föt og skór og matarkarfan. Vísir/Vilhelm Íslandsbanki spáir því að ársverðbólga verði um 6,5 prósent í mars og lækki örlítið á milli mánaða. Landsbankinn spáir því að ársverðbólga verði óbreytt 6,6 prósent í mars. Greinendur beggja banka eiga von á því að verðbólgan hjaðni rólega næstu mánuði og verði um 5,4-5,3 prósent um mitt ár. Bankarnir birtu báðir spár sínar í dag. Mest áhrif til hækkunar í spám beggja banka eru reiknuð húsaleiga, flugfargjöld til útlanda, föt og skór og matarkarfan. Í spá Íslandsbanka segir að verðbólgan muni hjaðna hægt í mars en að hjöðnunin verði hraðari næstu mánuði og gæti mælst 5,3 prósent um mitt ár. Þar segir einnig að hagfelldir kjarasamningar samrýmist vel verðstöðugleika og eyði mikilli óvissu um þróun launa. Enn séu óvissuþættir til staðar en það séu helst þróun á gengi krónunnar ásamt verðþróun á fasteignamarkaði. Það helsta sem sagt er að vegi til hækkunar í mánuðinum hjá Íslandsbanka er reiknuð húsaleiga og árstíðabundin hækkun á flugfargjöldum. Gert er ráð fyrir því í spánni að fargjöldin hækki um 7,7 til átta prósent. Vegna þess hve snemma páskarnir eru í ár er gert ráð fyrir því að hækkunin dreifist á bæði mars og aprílmánuð. Í spánni segir að nokkuð rólegt sé á öðrum liðum vísitölunnar í mánuðinum. Þó kemur fram í báðum spám að útsölulok virðist hafa komið fyrr en búist var við og hafi verið að fullu komin fram í febrúar. Aðrir helstu liðir sem hækka á milli mánaða eru matar- og drykkjarvörur, hótel og veitingastaðir um 0,5 prósent og föt og skór um 0,8 prósent. Íbúðakaup ríkisstjórnar og ný reikniaðferð Þá segir í spá Íslandsbanka að þau geri ráð fyrir því að íbúða verð hækki á næstu mánuðum, aðallega vegna kaupa ríkisstjórnarinnar á eignum í Grindavík. Gert er ráð fyrir því að húsnæði á landsbyggðinni hækki meira en á höfuðborgarsvæðinu, sérstaklega á Suðurnesjum. Í spám beggja banka er einnig talað um óvissuþátt sem fylgir nýrri aðferð Hagstofunnar við að reikna út kostnað við að búa í eigin húsnæði. „Í stað þess að reikna svokallaðan einfaldan notendakostnað út frá markaðsverði húsnæðis, vöxtum á íbúðalánum og afskriftum verður tekin upp aðferð leiguígilda sem byggir á upplýsingum um markaðsleigu. Hagstofan telur að með betri gögnum um leigumarkað hafi skapast forsendur fyrir því að breyta um aðferð. Það er enn óljóst hvaða áhrif þessi breyting mun hafa, en gerum þó ráð fyrir mælingar verði stöðugri og að mánaðarsveiflur í þessum lið verði því minni,“ segir í spá Landsbankans en Hagstofan birtir síðar í mánuðinum greinargerð með útlistun á aðferðarfræðinni og tímasetningu breytinganna. Ársverðbólga mælist nú samkvæmt spá Íslandsbanka alls 6,6 prósent og segir í frétt bankans að verðbólgutölur á árinu hafi hingað til komið greinendum nokkuð á óvart. „Vísitalan lækkaði í janúar þvert á spár en að sama skapi hækkaði hún einnig töluvert meira í febrúar en spár gerðu ráð fyrir. Þrátt fyrir litla hjöðnun ársverðbólgunnar í febrúar og einnig nú í mars er útlitið alls ekki svart heldur er enn útlit fyrir að ársverðbólga hjaðni hratt næstu mánuði,“ segir í spánni. Bráðabirgðaspá Landsbankans: „Við spáum því að verðbólga standi í stað í mars, en næstu þrjá mánuði þar á eftir gerum við ráð fyrir að vísitalan hækki um 0,54% í apríl, 0,33% í maí og 0,55% í júní. Gangi spáin eftir verður verðbólga 6,6% í mars, 5,8% í apríl, 5,7% í maí og 5,4% í júní. Að ársverðbólgan detti svona niður í apríl skýrist af grunnáhrifum, en vísitalan hækkaði óvenju mikið á milli mánaða í apríl í fyrra.“ Bráðabirgðaspá Íslandsbanka: Apríl – 0,6% hækkun VNV (ársverðbólga 5,8%): Áframhaldandi árstíðabundin hækkun flugfargjalda. Ef ekki verður af hækkun flugverðs í mars mun hækkun VNV í apríl vera meiri og öfugt. Maí – 0,3% hækkun VNV (ársverðbólga 5,7%): Flugfargjöld lækka eftir hækkun í mars og apríl. Íbúðaverð hefur mestu áhrif til hækkunar. Júní – 0,5% hækkun VNV (ársverðbólga 5,3%): Áhrifa ferðasumarsins gætir. Flugverð hefur áhrif til hækkunar og hótel og veitingastaðir hækka verðskrár sínar. Íbúðaverð hefur einnig áhrif til hækkunar. Ef bráðabirgðaspá okkar rætist mun ársverðbólga því hjaðna nokkuð hratt og mælast 5,3% í júní. Í langtímaspá okkar gerum við ráð fyrir að verðbólga verði 5,6% að jafnaði á þessu ári, 3,4% árið 2025 og 2,9% að jafnaði árið 2026. Efnahagsmál Fjármál heimilisins Neytendur Verðlag Íslenska krónan Landsbankinn Íslandsbanki Tengdar fréttir Dýrtíðin skerði samkeppnishæfni áfangastaðarins Íslands Stjórnvöld verða að taka alvarlega þær blikur sem á lofti eru í ferðaþjónustu. Þetta segir Bjarnheiður Hallsdóttir formaður Samtaka ferðaþjónustunnar sem varar við þeim efnahagslegu afleiðingum sem samdráttur í greininni hefði í för með sér fyrir þjóðarbúið. 13. mars 2024 14:27 Háir raunvextir þrengja að rekstrarumhverfi fyrirtækja næstu misserin Fjárhagsstaða kerfislega mikilvægra banka hér á landi er sterk, sem birtist meðal annars í góðu aðgengi þeirra að fjármögnun, en hækkandi raunvextir eru farnir að fara draga úr eftirspurn heimila og fyrirtækja eftir lánsfjármagni, að sögn fjármálastöðugleikanefndar. Hún vekur athygli á því að þyngri greiðslubyrði lána ásamt minnkandi efnahagsumsvifum auki líkur á greiðsluerfiðleikum sem hafi neikvæð áhrif á fjármálastöðugleika. 13. mars 2024 09:07 Fjármálakerfið standi traustum fótum Fjármálakerfið hér á landi stendur traustum fótum. Eiginfjár- og lausafjárstaða kerfislega mikilvægra banka er sterk og aðgengi þeirra að fjármögnun gott. Verðbólga hefur minnkað og aðlögun hefur átt sér stað í heildareftirspurn. Raunvextir hafa hækkað og dregið hefur úr lánsfjáreftirspurn heimila og fyrirtækja. 13. mars 2024 08:39 Bið á vaxtalækkun meðan óvissa er um fjármögnun á kjarapakka stjórnvalda Nýgerðir samningar á almennum vinnumarkaði fela í sér launahækkanir við neðri mörk þess sem sést hefur í kjarasamningum síðustu fimmtán ár og lengd þeirra ætti að minnka verðbólguáhættu og auka fyrirsjáanleika, að mati viðmælenda Innherja á fjármálamarkaði, en ólíkar skoðanir eru um áhrifin á verðbólguhorfur. Miklu máli skiptir fyrir vaxtalækkunarferlið að stjórnvöld skýri hvernig þau hyggjast fjármagna tugmilljarða útgjaldaaðgerðir sínar sem eru „óhjákvæmilega“ sagðar vera eftirspurnarhvetjandi. 12. mars 2024 11:48 Mest lesið Langþreytt á fasteignakeðjum sem slitna og ætlar aldrei aftur að flytja Viðskipti innlent Endurbyggja gömul hús úr miðbæ Reykjavíkur á Selfossi Viðskipti innlent Eftirlitið veður í Veðurstofuna Viðskipti innlent Arnar og Aron Elí til Reita Viðskipti innlent Vaxtaverkir í golfi: Kylfingum fjölgar um þúsundir á ári Atvinnulíf Ben kveður Jerry Viðskipti erlent Leitin skili tekjum í ríkissjóð þó það finnist ekki olía Viðskipti innlent Eldgosin við Grindavík höfðu mikil áhrif á neikvæða afkomu hins opinbera Viðskipti innlent „Gæti orðið til þess að þú sért látinn fara“ Neytendur Vara við díoxíni í Landnámseggjum Viðskipti innlent Fleiri fréttir Endurbyggja gömul hús úr miðbæ Reykjavíkur á Selfossi Arnar og Aron Elí til Reita Eftirlitið veður í Veðurstofuna Eldgosin við Grindavík höfðu mikil áhrif á neikvæða afkomu hins opinbera Leitin skili tekjum í ríkissjóð þó það finnist ekki olía Langþreytt á fasteignakeðjum sem slitna og ætlar aldrei aftur að flytja Vara við díoxíni í Landnámseggjum Slá milljarða lán til að fjármagna jarð- og sæstrengi Laganemar bjóða leigjendum áfram upp á fría ráðgjöf Heiður Anna nýr framkvæmdastjóri FS Tekur við stöðu framkvæmdastjóra Landmarks fasteignamiðlunar Olíuleit geti skipt sköpum fyrir framtíð þjóðarinnar Edda Hermanns nýr forstjóri Lyfja og heilsu Djúpstæð vonbrigði þegar margra eigna keðjur slitna Andri Sævar og Svava til Daga Tveir nýir vörumerkjastjórar til Ölgerðarinnar Tekur við sem framkvæmdastjóri verkfræðisviðs Coripharma Ráðin framkvæmdastjóri markaðsstofu Travel Connect Birgir til Banana Spyr hvort tilefni sé til ánægju með sölu á Íslandsbanka Bætir við sig nýjum áfangastað á Ítalíu Loka verslun Útilífs í Smáralind Meðalsölutími fasteigna hundrað dagar Systurfélag ÞG verktaka kaupir Arnarland Play sé ekki að fara á hausinn Fór yfir breytingarnar sem verði ekki allar þægilegar fyrir starfsfólk Framkvæmdastjórar kveðja og sviðum stokkað upp Sammála um aukna verðbólgu í september Tekur við stöðu framkvæmdastjóra LÍS Kristín nýr framkvæmdastjóri Eflu Sjá meira
Mest áhrif til hækkunar í spám beggja banka eru reiknuð húsaleiga, flugfargjöld til útlanda, föt og skór og matarkarfan. Í spá Íslandsbanka segir að verðbólgan muni hjaðna hægt í mars en að hjöðnunin verði hraðari næstu mánuði og gæti mælst 5,3 prósent um mitt ár. Þar segir einnig að hagfelldir kjarasamningar samrýmist vel verðstöðugleika og eyði mikilli óvissu um þróun launa. Enn séu óvissuþættir til staðar en það séu helst þróun á gengi krónunnar ásamt verðþróun á fasteignamarkaði. Það helsta sem sagt er að vegi til hækkunar í mánuðinum hjá Íslandsbanka er reiknuð húsaleiga og árstíðabundin hækkun á flugfargjöldum. Gert er ráð fyrir því í spánni að fargjöldin hækki um 7,7 til átta prósent. Vegna þess hve snemma páskarnir eru í ár er gert ráð fyrir því að hækkunin dreifist á bæði mars og aprílmánuð. Í spánni segir að nokkuð rólegt sé á öðrum liðum vísitölunnar í mánuðinum. Þó kemur fram í báðum spám að útsölulok virðist hafa komið fyrr en búist var við og hafi verið að fullu komin fram í febrúar. Aðrir helstu liðir sem hækka á milli mánaða eru matar- og drykkjarvörur, hótel og veitingastaðir um 0,5 prósent og föt og skór um 0,8 prósent. Íbúðakaup ríkisstjórnar og ný reikniaðferð Þá segir í spá Íslandsbanka að þau geri ráð fyrir því að íbúða verð hækki á næstu mánuðum, aðallega vegna kaupa ríkisstjórnarinnar á eignum í Grindavík. Gert er ráð fyrir því að húsnæði á landsbyggðinni hækki meira en á höfuðborgarsvæðinu, sérstaklega á Suðurnesjum. Í spám beggja banka er einnig talað um óvissuþátt sem fylgir nýrri aðferð Hagstofunnar við að reikna út kostnað við að búa í eigin húsnæði. „Í stað þess að reikna svokallaðan einfaldan notendakostnað út frá markaðsverði húsnæðis, vöxtum á íbúðalánum og afskriftum verður tekin upp aðferð leiguígilda sem byggir á upplýsingum um markaðsleigu. Hagstofan telur að með betri gögnum um leigumarkað hafi skapast forsendur fyrir því að breyta um aðferð. Það er enn óljóst hvaða áhrif þessi breyting mun hafa, en gerum þó ráð fyrir mælingar verði stöðugri og að mánaðarsveiflur í þessum lið verði því minni,“ segir í spá Landsbankans en Hagstofan birtir síðar í mánuðinum greinargerð með útlistun á aðferðarfræðinni og tímasetningu breytinganna. Ársverðbólga mælist nú samkvæmt spá Íslandsbanka alls 6,6 prósent og segir í frétt bankans að verðbólgutölur á árinu hafi hingað til komið greinendum nokkuð á óvart. „Vísitalan lækkaði í janúar þvert á spár en að sama skapi hækkaði hún einnig töluvert meira í febrúar en spár gerðu ráð fyrir. Þrátt fyrir litla hjöðnun ársverðbólgunnar í febrúar og einnig nú í mars er útlitið alls ekki svart heldur er enn útlit fyrir að ársverðbólga hjaðni hratt næstu mánuði,“ segir í spánni. Bráðabirgðaspá Landsbankans: „Við spáum því að verðbólga standi í stað í mars, en næstu þrjá mánuði þar á eftir gerum við ráð fyrir að vísitalan hækki um 0,54% í apríl, 0,33% í maí og 0,55% í júní. Gangi spáin eftir verður verðbólga 6,6% í mars, 5,8% í apríl, 5,7% í maí og 5,4% í júní. Að ársverðbólgan detti svona niður í apríl skýrist af grunnáhrifum, en vísitalan hækkaði óvenju mikið á milli mánaða í apríl í fyrra.“ Bráðabirgðaspá Íslandsbanka: Apríl – 0,6% hækkun VNV (ársverðbólga 5,8%): Áframhaldandi árstíðabundin hækkun flugfargjalda. Ef ekki verður af hækkun flugverðs í mars mun hækkun VNV í apríl vera meiri og öfugt. Maí – 0,3% hækkun VNV (ársverðbólga 5,7%): Flugfargjöld lækka eftir hækkun í mars og apríl. Íbúðaverð hefur mestu áhrif til hækkunar. Júní – 0,5% hækkun VNV (ársverðbólga 5,3%): Áhrifa ferðasumarsins gætir. Flugverð hefur áhrif til hækkunar og hótel og veitingastaðir hækka verðskrár sínar. Íbúðaverð hefur einnig áhrif til hækkunar. Ef bráðabirgðaspá okkar rætist mun ársverðbólga því hjaðna nokkuð hratt og mælast 5,3% í júní. Í langtímaspá okkar gerum við ráð fyrir að verðbólga verði 5,6% að jafnaði á þessu ári, 3,4% árið 2025 og 2,9% að jafnaði árið 2026.
Efnahagsmál Fjármál heimilisins Neytendur Verðlag Íslenska krónan Landsbankinn Íslandsbanki Tengdar fréttir Dýrtíðin skerði samkeppnishæfni áfangastaðarins Íslands Stjórnvöld verða að taka alvarlega þær blikur sem á lofti eru í ferðaþjónustu. Þetta segir Bjarnheiður Hallsdóttir formaður Samtaka ferðaþjónustunnar sem varar við þeim efnahagslegu afleiðingum sem samdráttur í greininni hefði í för með sér fyrir þjóðarbúið. 13. mars 2024 14:27 Háir raunvextir þrengja að rekstrarumhverfi fyrirtækja næstu misserin Fjárhagsstaða kerfislega mikilvægra banka hér á landi er sterk, sem birtist meðal annars í góðu aðgengi þeirra að fjármögnun, en hækkandi raunvextir eru farnir að fara draga úr eftirspurn heimila og fyrirtækja eftir lánsfjármagni, að sögn fjármálastöðugleikanefndar. Hún vekur athygli á því að þyngri greiðslubyrði lána ásamt minnkandi efnahagsumsvifum auki líkur á greiðsluerfiðleikum sem hafi neikvæð áhrif á fjármálastöðugleika. 13. mars 2024 09:07 Fjármálakerfið standi traustum fótum Fjármálakerfið hér á landi stendur traustum fótum. Eiginfjár- og lausafjárstaða kerfislega mikilvægra banka er sterk og aðgengi þeirra að fjármögnun gott. Verðbólga hefur minnkað og aðlögun hefur átt sér stað í heildareftirspurn. Raunvextir hafa hækkað og dregið hefur úr lánsfjáreftirspurn heimila og fyrirtækja. 13. mars 2024 08:39 Bið á vaxtalækkun meðan óvissa er um fjármögnun á kjarapakka stjórnvalda Nýgerðir samningar á almennum vinnumarkaði fela í sér launahækkanir við neðri mörk þess sem sést hefur í kjarasamningum síðustu fimmtán ár og lengd þeirra ætti að minnka verðbólguáhættu og auka fyrirsjáanleika, að mati viðmælenda Innherja á fjármálamarkaði, en ólíkar skoðanir eru um áhrifin á verðbólguhorfur. Miklu máli skiptir fyrir vaxtalækkunarferlið að stjórnvöld skýri hvernig þau hyggjast fjármagna tugmilljarða útgjaldaaðgerðir sínar sem eru „óhjákvæmilega“ sagðar vera eftirspurnarhvetjandi. 12. mars 2024 11:48 Mest lesið Langþreytt á fasteignakeðjum sem slitna og ætlar aldrei aftur að flytja Viðskipti innlent Endurbyggja gömul hús úr miðbæ Reykjavíkur á Selfossi Viðskipti innlent Eftirlitið veður í Veðurstofuna Viðskipti innlent Arnar og Aron Elí til Reita Viðskipti innlent Vaxtaverkir í golfi: Kylfingum fjölgar um þúsundir á ári Atvinnulíf Ben kveður Jerry Viðskipti erlent Leitin skili tekjum í ríkissjóð þó það finnist ekki olía Viðskipti innlent Eldgosin við Grindavík höfðu mikil áhrif á neikvæða afkomu hins opinbera Viðskipti innlent „Gæti orðið til þess að þú sért látinn fara“ Neytendur Vara við díoxíni í Landnámseggjum Viðskipti innlent Fleiri fréttir Endurbyggja gömul hús úr miðbæ Reykjavíkur á Selfossi Arnar og Aron Elí til Reita Eftirlitið veður í Veðurstofuna Eldgosin við Grindavík höfðu mikil áhrif á neikvæða afkomu hins opinbera Leitin skili tekjum í ríkissjóð þó það finnist ekki olía Langþreytt á fasteignakeðjum sem slitna og ætlar aldrei aftur að flytja Vara við díoxíni í Landnámseggjum Slá milljarða lán til að fjármagna jarð- og sæstrengi Laganemar bjóða leigjendum áfram upp á fría ráðgjöf Heiður Anna nýr framkvæmdastjóri FS Tekur við stöðu framkvæmdastjóra Landmarks fasteignamiðlunar Olíuleit geti skipt sköpum fyrir framtíð þjóðarinnar Edda Hermanns nýr forstjóri Lyfja og heilsu Djúpstæð vonbrigði þegar margra eigna keðjur slitna Andri Sævar og Svava til Daga Tveir nýir vörumerkjastjórar til Ölgerðarinnar Tekur við sem framkvæmdastjóri verkfræðisviðs Coripharma Ráðin framkvæmdastjóri markaðsstofu Travel Connect Birgir til Banana Spyr hvort tilefni sé til ánægju með sölu á Íslandsbanka Bætir við sig nýjum áfangastað á Ítalíu Loka verslun Útilífs í Smáralind Meðalsölutími fasteigna hundrað dagar Systurfélag ÞG verktaka kaupir Arnarland Play sé ekki að fara á hausinn Fór yfir breytingarnar sem verði ekki allar þægilegar fyrir starfsfólk Framkvæmdastjórar kveðja og sviðum stokkað upp Sammála um aukna verðbólgu í september Tekur við stöðu framkvæmdastjóra LÍS Kristín nýr framkvæmdastjóri Eflu Sjá meira
Dýrtíðin skerði samkeppnishæfni áfangastaðarins Íslands Stjórnvöld verða að taka alvarlega þær blikur sem á lofti eru í ferðaþjónustu. Þetta segir Bjarnheiður Hallsdóttir formaður Samtaka ferðaþjónustunnar sem varar við þeim efnahagslegu afleiðingum sem samdráttur í greininni hefði í för með sér fyrir þjóðarbúið. 13. mars 2024 14:27
Háir raunvextir þrengja að rekstrarumhverfi fyrirtækja næstu misserin Fjárhagsstaða kerfislega mikilvægra banka hér á landi er sterk, sem birtist meðal annars í góðu aðgengi þeirra að fjármögnun, en hækkandi raunvextir eru farnir að fara draga úr eftirspurn heimila og fyrirtækja eftir lánsfjármagni, að sögn fjármálastöðugleikanefndar. Hún vekur athygli á því að þyngri greiðslubyrði lána ásamt minnkandi efnahagsumsvifum auki líkur á greiðsluerfiðleikum sem hafi neikvæð áhrif á fjármálastöðugleika. 13. mars 2024 09:07
Fjármálakerfið standi traustum fótum Fjármálakerfið hér á landi stendur traustum fótum. Eiginfjár- og lausafjárstaða kerfislega mikilvægra banka er sterk og aðgengi þeirra að fjármögnun gott. Verðbólga hefur minnkað og aðlögun hefur átt sér stað í heildareftirspurn. Raunvextir hafa hækkað og dregið hefur úr lánsfjáreftirspurn heimila og fyrirtækja. 13. mars 2024 08:39
Bið á vaxtalækkun meðan óvissa er um fjármögnun á kjarapakka stjórnvalda Nýgerðir samningar á almennum vinnumarkaði fela í sér launahækkanir við neðri mörk þess sem sést hefur í kjarasamningum síðustu fimmtán ár og lengd þeirra ætti að minnka verðbólguáhættu og auka fyrirsjáanleika, að mati viðmælenda Innherja á fjármálamarkaði, en ólíkar skoðanir eru um áhrifin á verðbólguhorfur. Miklu máli skiptir fyrir vaxtalækkunarferlið að stjórnvöld skýri hvernig þau hyggjast fjármagna tugmilljarða útgjaldaaðgerðir sínar sem eru „óhjákvæmilega“ sagðar vera eftirspurnarhvetjandi. 12. mars 2024 11:48