Innlent

Ógnaði dyravörðum skemmti­staðar með hníf

Sólrún Dögg Jósefsdóttir skrifar
Lögregla sinnti ýmsum verkefnum í gærkvöldi og í nótt. 
Lögregla sinnti ýmsum verkefnum í gærkvöldi og í nótt.  Vísir/Vilhelm

Maður var handtekinn í miðborg Reykjavíkur á fjórða tímanum í nótt eftir að hafa tekið um hníf utan við skemmtistað og ógnað dyravörðum. Lögregla vistaði hann í fangaklefa í þágu rannsóknar

Þetta kemur fram í fréttaskeyti lögreglunnar á höfuðborgarsvæðinu. Í miðborginni var lögreglu einnig tilkynnt um líkamsárás.

Á sömu lögreglustöð var ökumaður stöðvaður grunaður um akstur undir áhrifum ávana- og fíkniefna en var látinn laus eftir hefðbundið ferli.

Á lögreglustöð 2, sem sinnir málum í Kópavogi og Breiðholti, var tilkynnt um slagsmál fyrir utan krá. 

Þá var ökumaður stöðvaður á þjónustusvæði lögreglustöðvar 4, sem sinnir málum í efri byggðum Reykjavíkur og í Mosfellsbæ, grunaður um akstur undir áhrifum ávana- og fíkniefna. Sá reyndist einnig sviptur ökuréttindum en var látinn laus eftir hefðbundið ferli.

Lögreglumál Reykjavík Næturlíf
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið