Innlent

Sund­laugar Suður­nesja geta opnað á ný

Oddur Ævar Gunnarsson skrifar
Vatnaveröld í Keflavík er aftur komin með vatn.
Vatnaveröld í Keflavík er aftur komin með vatn.

Hitaveitan í Reykjanesbæ, Suðurnesjabæ og Vogum hefur náð jafnvægi. Sundlaugar geta því opnað á ný eftir að hafa verið lokaðar allt frá því að hitaveitulögn fór í sundur vegna hraunflæðis fyrir viku síðan.

Í tilkynningu á vef HS Veitna segir að fullum þrýstingi hafi loksins verið náð. Sundlaugar geti því loksins opnað á ný.

Tíma hefur tekið að ná fullum þrýstingi á kerfið að nýju og hafa íbúar á Suðurnesjum þurft að bíða mislengi eftir fullum þrýstingi. Ný heitavatnslögn komst í gagnið síðastliðinn mánudag.

Sagði Kjartan Már Kjartansson, bæjarstjóri Reykjanesbæjar, að unnið hefði verið þrekvirki við hitaveitulögnina. Undanfarna daga hafa svo pípulagningamenn á vegum almannavarna og HS Veitna verið á viðbraðgsvakt til aðstoðar íbúum.

Reykjanesbær Suðurnesjabær Eldgos og jarðhræringar Eldgos á Reykjanesskaga Sundlaugar Vogar

Mest lesið


Fleiri fréttir

Sjá meira


×

Mest lesið