Innlent

Börn vopnuð exi og hníf

Árni Sæberg skrifar
Lögregla þurfti að hafa mikil afskipti af ungmennum í gærkvöldi og í nótt.
Lögregla þurfti að hafa mikil afskipti af ungmennum í gærkvöldi og í nótt. Vísir/Vilhelm

Lögregla hafði í tvígang afskipti af hópum ungmenna í gærkvöldi vegna vopnaburðar. Einn var vopnaður exi og annar hníf. Forráðamenn voru látnir vita og börnin látin laus.

Þetta segir í dagbókarfærslu Lögreglunnar á höfuðborgarsvæðinu fyrir gærkvöldið og nóttina. Þar segir að tilkynnt hafi verið um unglinga til vandræða fyrir utan verslun í austurborg Reykjavíkur. Unglingarnir hafi verið farnir á brott þegar lögreglu bar að garði.

Seinna hafi aftur verið tilkynnt um hópamyndun unglinga ungmenna fyrir utan verslun í austurborginni. Piltur vopnaður exi hafi verið sagður vera í þeim hópi. Hann hafi verið handtekinn og fluttur á lögreglustöð þar sem vopnið var haldlagt. Eftir viðræður á lögreglustöð hafi hann verið frjáls ferða sinna. Forráðamönnum og barnavernd hafi verið gert viðvart um málið.

Unglingar sífellt til vandræða í austurborginni

Þá segir að enn hafi verið tilkynnt um ölvuð ungmenni til vandræða við verslun í austurborginni. Þau hefðu meðal annars verið að stela sér til matar. Þeim hafi verið sleppt eftir viðræður en forráðamönnum og barnavernd gert viðvart um málið.

Loks hafi verið tilkynnt um unglinga ráðast að fólki við verslun í austurborginni.

Líka til vandræða annars staðar

Þá segir frá því að tilkynnt hafi verið um ungmenni samankomin í ótilgreindri verslunarmiðstöð á ótilgreindum stað. Einn hafi verið vopnaður hníf, sem hafi verið haldlagður. Sá vopnaði hafi verið látinn laus eftir viðræður en forráðamenn hans og barnavernd látin vita.

Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið