Innlent

Lög­reglan kom dyravörðum til að­stoðar

Oddur Ævar Gunnarsson skrifar
Lögreglan hafði í nógu að snúast í nótt.
Lögreglan hafði í nógu að snúast í nótt. Vísir/Vilhelm

Lögreglan á höfuðborgarsvæðinu fékk í nótt beiðni um aðstoð frá dyravörðum á skemmtistað í Reykjavík. Einn dyravörður hafði verið sleginn og var gerandinn handtekinn og vistaður í fangageymslu.

Þetta er meðal þess sem fram kemur í dagbók lögreglunnar á höfuðborgarsvæðinu. Þar segir að lögregla hafi jafnframt verið kölluð út að öðrum skemmtistað nánast á sömu mínútunni vegna manns sem neitaði að yfirgefa staðinn.

Hann var í tökum dyravarða en hafði svo fyrir utan skemmtistaðinn sparkað í bíl. Maðurinn var vistaður í fangaklefa vegna málsins.

Lögregla hafði í nótt afskipti af nokkrum ökumönnum í miðborginni, Kópavogi og Grafarvogi vegna gruns um akstur undir áhrifum áfengis og/eða fíkniefna. Þá barst lögreglu tilkynning skömmu fyrir klukkan eitt um mann sem hafði valdið eignarspjöllum á skemmtistað í Hafnarfirði.

Lögreglumál Reykjavík Næturlíf
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið