Innlent

Vinnu­eftir­litið rann­sakar slysið í Grinda­vík og vill lög­reglu­skýrslu

Hólmfríður Gísladóttir skrifar
Leit var hætt þar sem ekki þótti forsvaranlegt að leggja björgunarmenn í hættu.
Leit var hætt þar sem ekki þótti forsvaranlegt að leggja björgunarmenn í hættu. Landsbjörg

Vinnueftirlitið rannsakar nú vinnuslysið í Grindavík, þar sem maður féll ofan í sprungu. Hefur eftirlitið óskað eftir lögregluskýrslu um málið.

Frá þessu greinir Morgunblaðið.

Vinnueftirlitið segir í svörum við fyrirspurn blaðsins að um sé að ræða einstakt atvik, þar sem það tengist náttúruhamförum. Rannsókn málsins taki mið af því að vettvangurinn hafi breyst verulega frá því að slysið átti sér stað.

Leit að manninum, Lúðvík Péturssyni, bar ekki árangur og var að lokum hætt. Úlfar Lúðvíksson, lögreglustjórinn á Suðurnesjum, sagði ekki forsvaranlegt að leggja björgunarmenn í hættu við leitina.

Fjölskylda Lúðvíks hefur farið fram á að hvarf hans verði rannsakað af óháðum aðila og krefst svara um aðdraganda slyssins, ákvarðanatöku og aðstæður þar sem Lúðvík var við störf. Mörgum spurningum sé ósvarað.

Grindavík Féll í sprungu í Grindavík Eldgos og jarðhræringar Eldgos á Reykjanesskaga Vinnuslys
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið