Innlent

Kvöld­fréttir Stöðvar 2

Vésteinn Örn Pétursson skrifar
kvöldfréttir stöðvar 2 telma tómas

Palestínskur maður segir bráðabirgðaúrskurð Alþjóðadómstólsins vekja sér von í brjósti um að stríðsátökum á Gasa linni. Hann segir stuðning við málstað palestínsku þjóðarinnar fara vaxandi hér á landi, og kallar eftir því að stjórnvöld hlusti. Bashar Murad, sem keppir í Söngvakeppni sjónvarpsins, kom fram á fundinum.

Við sýnum frá fundinum í kvöldfréttum okkar klukkan hálf sjö í kvöld. Þar ræðum við einnig við Þórhildi Sunnu Ævarsdóttur, þingmann Pírata, um bráðabirgðaúrskurð Alþjóðadómstólsins.

Háskólamálaráðherra segir ótækt að innflytjendum með mikla menntun sé haldið í láglaunastörfum vegna þess að stjórnsýslan er of þung í vöfum. Við kynnum okkur fyrsta skrefið í átt að einfaldara leyfisveitingakerfi, sem ráðherra hefur kynnt. 

Þá fjöllum við um miður góða færð sem var víða um land í dag, og kynnum okkur aðgerðir til að bjarga stofni sjaldgæfra nashyrninga frá útrýmingu. 

Líkt og fyrri daginn er Magnús Hlynur á ferð og flugi um landið, en að þessu sinni kynnti hann sér gríðarlega hraða uppbyggingu á Laugarvatni.

Þetta og fleira til í kvöldfréttum Stöðvar 2 í beinni útsendingu klukkan hálf sjö á samtengdum rásum Stöðvar 2 og Bylgjunnar, og hér á Vísi.  

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið