Innlent

Kvöld­fréttir Stöðvar 2

Hallgerður Kolbrún E. Jónsdóttir skrifar
Sindri Sindrason les fréttir í kvöld.
Sindri Sindrason les fréttir í kvöld. Vísir

Inga Sæland formaður Flokks fólksins mun leggja fram vantrausttillögu á hendur Svandísi Svavarsdóttur matvælaráðherra á Alþingi í vikunni. Þing kemur saman á morgun eftir jólafrí. Rætt verður við Sigmund Davíð Gunnlaugsson formann Miðflokksins um tillöguna í beinni útsendingu í kvöldfréttum Stöðvar 2.

Þá verður rætt við stjórnarformann Hagsmunasamtaka brotaþola, sem segir fáránlegt að ítrekað komi upp mál varðandi kynferðislega áreitni, ofbeldi eða einelti innan lögreglunnar. Málin grafi undan trausti til stofnunarinnar.

Aðgerðir ríkisstjórnarinnar vegna Grindavíkur verða kynntar á morgun. Landris mælist enn í Svartsengi og land hefur ekki mælst hærra. Þyrla Landhelgisgæslunnar var notuð til að koma rafmagni á í Grindavík í dag. Farið verður yfir stöðu mála í fréttatímanum. 

Þá hafa heilbrigðisstarfsmenn á Gasa miklar áhyggjur af fjölgun fósturláta og fæðinga fyrir tímann. Þeir segja sökudólginn vera mikið álag á þungaðar konur, sem margar hverjar þjáist af næringarskorti.

Þetta og margt fleira í kvöldfréttum Stöðvar 2 klukkan 18:30. 

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið