Innlent

Ung­lingur skemmdi lög­reglu­bíl

Samúel Karl Ólason skrifar
Lögregluþjónar að störfum.
Lögregluþjónar að störfum. Vísir/Vilhelm

Þegar lögregluþjónar voru kallaðir til aðstoðar vegna unglingasamkvæmis í Árbæ gærkvöldi var einn unglingur handtekinn, eftir að hann skemmdi lögreglubíl. Í dagbók lögreglu segir að málið verði unnið með barnavernd og forráðamönnum.

Lögregluþjónar virðast hafa haft í nógu að snúast í gærkvöldi og í nótt en meðal annars barst tilkynning um hnífstungu í miðbænum í nótt. Sá sem var stunginn var fluttur á sjúkrahús en ekki er vitað hve alvarlega hann var særður. Einn var handtekinn skammt frá þar sem maðurinn var stunginn og er sá grunaður um að hafa beitt hnífnum.

Einnig barst tilkynning um líkamsárás í miðbænum, rúðubrot, skemmdarverk og einstaklinga sem neituðu annars vegar að yfirgefa verslun og hins vegar að yfirgefa skemmtistað.

Einn slasaðist á andliti í flugeldaslysi í Garðabænum en ekki er vitað um hve alvarlega hann slasaðist. Þá barst tilkynning um innbrot í Kópavogi og þjófnað í verslun í Árbæ.

Lögreglumál Næturlíf Lögreglan Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið