Erlent

Á þriðja tug látin eftir sprengingu í flug­elda­verk­smiðju

Atli Ísleifsson skrifar
Mikinn svartan reyk lagði frá verksmiðjunni.
Mikinn svartan reyk lagði frá verksmiðjunni. AP

Tuttugu og þrír hið minnsta eru látnir eftir að sprenging varð í flugeldaverksmiðju í Taílandi.

AP segir frá þvið að sprengingin hafi orðið í héraðinu Suphan Buri, um hundrað kílómetra norðvestur af höfuðborginni Bangkok.

Talsmenn yfirvalda segja að enginn hafi fundist á lífi í rústum verksmiðjunnar en unnið er að því að tryggja vettvanginn. Þá hefur lögregla hafið rannsókn á því hvað kunni að hafa valdið sprengingunni.

Á samfélagsmiðlum voru birtar myndir af vettvangi og mátti þar sjá svartan, þykkan reyk leggja frá staðnum.

Sprengingar sem þessar eru ekki óvanalegar í Taílandi, en síðastliðið sumar létust tíu manns eftir að sprenging varð í flugeldaverksmiðju í suðurhluta landsins.

Spreningin nú varð þegar innan við mánuður er í að haldið verður upp á áramót samkvæmt kínverska dagatalinu og er þá notkun flugelda jafnan mikil.

Frá vettvangi.AP
Taíland Flugeldar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið