Innlent

Hætta að meta tjón í Grinda­vík í bili

Árni Sæberg skrifar
Frá aðgerðum í Grindavík í fyrradag.
Frá aðgerðum í Grindavík í fyrradag. Vísir/Steingrímur Dúi

Náttúruhamfaratrygging Íslands hefur gert hlé á tjónamati í Grindavík í ljósi atburða vikunnar. Stofnunin hefur unnið að mati á tjóni á fasteignum og innviðum í bænum frá því náttúruhamfarirnar hófust í nóvember síðastliðnum.

Þetta segir í svari Náttúruhamfaratryggingar við fyrirspurn fréttastofu um framhald aðgerða í bænum.

Greint hefur verið frá því að hlé hafi verið gert á öllum framkvæmdum við viðgerðir í bænum, eftir að maður féll ofan í sprungu. Hann hafði verið við vinnu við jarðvegsþjöppun eftir sprungufyllingu. Leit að manninum var hætt í gær.

„Í ljósi nýliðinna atburða mun NTÍ stöðva allt frekara mat þangað til Almannavarnir hafa ákveðið næstu skref. Á þessari stundu er hugur okkar hjá fjölskyldu, vinum og vinnufélögum mannsins sem leitað hefur verið að,“ segir í svari Náttúruhamfaratryggingar.

Féll í sprungu í Grindavík Grindavík Tryggingar Eldgos og jarðhræringar Eldgos á Reykjanesskaga
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið