Innlent

Fengu veltibílinn að gjöf

Margrét Björk Jónsdóttir skrifar
Borghildur Fjóla Kristjánsdóttir formaður Slysavarnafélagsins Landsbjargar, veitti gjöfinni móttöku frá Páli Halldóri Halldórssyni, formanni Brautarinnar.
Borghildur Fjóla Kristjánsdóttir formaður Slysavarnafélagsins Landsbjargar, veitti gjöfinni móttöku frá Páli Halldóri Halldórssyni, formanni Brautarinnar. Landsbjörg

Yfir fjögurhundruð þúsund manns hafa upplifað bílveltu í veltibílnum, sem Brautin, bindindisfélag ökumanna hefur rekið frá árinu 1995. Í dag færði Brautin Slysavarnafélaginu Landsbjörg veltibílinn að gjöf. 

Núverandi veltibíll er sá sjötti í röðinni, en veltibíllinn hefur verið endurnýjaður á um fimm ára fresti, með stuðningu frá Heklu og Volkswagen sem hafa reglulega gefið nýjan Volkswagen Golf til verkefnisins.

Í fréttatilkynningu frá Landsbjörg segir að bíllinn hafi síðast verið endurnýjaður árið 2020, og hafa nærri 45 þúsund manns farið veltu í honum.

Yfir 400 þúsund manns hafa upplifað bílveltu í veltibílnum.Landsbjörg

„Slysavarnafélagið Landsbjörg hyggst nota þessa góðu gjöf til að halda áfram því góða starfi sem Brautin hefur staðið fyrir öll þessi ár en veltibíllinn fellur afar vel að slysavarna verkefnum sem félagið nú þegar sinnir, og veitir okkur enn frekari tækifæri til að útvíkka slysavarna hluta starfsins,“ segir í tilkynningunni.

Umferðin er einn mesti slysavaldur í samfélaginu og björgunarsveitir um allt land munu geta nýtt bílinn til slysavarna.

Slysavarnir

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið