Innlent

Ölvaður nemandi átti erfitt með að stjórna til­finningum sínum

Hólmfríður Gísladóttir skrifar
Nóttin virðista hafa verið með rólegra móti hjá lögreglunni á höfuðborgarsvæðinu.
Nóttin virðista hafa verið með rólegra móti hjá lögreglunni á höfuðborgarsvæðinu. Vísir/Vilhelm

Lögreglan á höfuðborgarsvæðinu var kölluð til rétt eftir miðnætti í nótt vegna nemanda menntaskóla sem hafði orðið ölvaður á skólaballi og átti í erfiðleikum með að stjórna tilfinningum sínum.

Í yfirliti lögreglu yfir verkefni næturinnar segir að hann hafi verið með ógnandi tilburði en málinu lauk þannig að forráðamaður nemandans kom og sótti hann og hafði lögregla ekki frekari afskipti af honum.

Lögreglu barst einnig tilkynning frá eiganda fyrirtækis sem sagði innbrot standa yfir í fyrirtækinu. Þegar lögregla kom á staðinn var sannarlega búið að brjótast inn en ekki var að sjá að nokkru hefði verið stolið.

Málið er í rannsókn.

Þá var lögregla við eftirlit þegar hún ók fram á mann sem var mjög æstur og var að berja í bifreiðar og klifra á þeim. Tókst honum að valda skemmdum á tveimur bifreiðum áður en hann var handtekinn. Hann var vistaður í fangaklefa, þar sem hann mun dvelja þar til hægt verður að ræða við hann.

Lögreglumál Framhaldsskólar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið