Innlent

Ók ölvaður á gangandi veg­faranda

Elísabet Inga Sigurðardóttir skrifar
Þetta kemur fram í dagbók lögreglu þar sem er farið yfir helstu mál næturinnar.
Þetta kemur fram í dagbók lögreglu þar sem er farið yfir helstu mál næturinnar.

Einn var handtekinn og vistaður í fangaklefa eftir að hafa ekið ölvaður á gangandi vegfaranda í miðbæ Reykjavíkur. Vegfarandinn hlaut minniháttar meiðsl en ekki er nánar greint frá áverkum hans.

Þetta kemur fram í dagbókarfærslu lögreglunnar á höfuðborgarsvæðinu. Þar segir að einum hafi verið vísað frá veitingastað í miðbænum vegna vandræðagangs. Hann var handtekinn og færður á lögreglustöð, skýrsla tekin af honum en í framhaldi sleppt þar sem hann lofaði að bæta ráð sitt.

Réðst á dyravörð

Þá kemur fram að einn hafi verið handtekinn og vistaður í fangaklefa vegna líkamsárásar í Vesturbæ Reykjavíkur. Annar var handtekinn eftir að hafa ráðist á dyravörð, sá var í mjög annarlegu ástandi og vistaður í fangaklefa.

Í Kópavogi var ökumaður stöðvaður og sviptur ökuréttindum vegna aksturs undir áhrifum fíkniefna. Sá var einnig með stera meðferðis. Annar var stöðvaður og reyndist undir áhrifum fíkniefna. 

Í hverfi 110 var manni komið heim til sín eftir að hafa verið til vandræða fyrir utan fjölbýlishús.

Lögreglumál Næturlíf Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið