Innlent

Kvöld­fréttir Stöðvar 2

Samúel Karl Ólason skrifar
KvöldfréttiR stöðvar 2 Sindri

Vísbendingar eru um aukinn hraða á landrisinu við Þorbjörn og kvika streymir mun hraðar en áður inn í svokallaða syllu undir svæðinu. Í kvöldfréttum Stöðvar 2 verður farið yfir það sem kom fram á upplýsingafundi almannavarna um jarðhræringarnar á Reykjanesi og við skoðum varaaflsstöðvar sem verið er að koma upp í Grindavík.

Utanríkisráðherra segir engan ágreining ríkja um afstöðu Íslands varðandi átökin fyrir botni Miðjarðarhafs. Farsælast væri að Alþingi sameinaðist um þau grundvallargildi sem allir væru sammála um. Við förum yfir heitar umræður sem sköpuðust á Alþingi í dag og ræðum við þingmenn í beinni um tvær þingsályktunartillögur sem hafa verið boðaðar um málið.

Næstum helmingi færri kaupsamningar hafa verið gerðir í ár en á sama tíma árið 2021 og sjaldan hefur verið erfiðara að kaupa fyrstu íbúð hér á landi samkvæmt nýrri úttekt. Við ræðum við dósent í viðskiptafræði sem telur að aðgerðir Seðlabankans hafi valdið tjóni á húsnæðismarkaði.

Þá förum við í sund og kíkjum bæði á nýjar rennibrautir í Dalslaug og hittum einnig Karlakórinn Esju í pottinum þar sem meðlimir tóku lagið.

Og í Íslandi í dag kynnumst við kraftmiklum ungum manni sem fékk hugmynd að vöru 22 ára og var kominn með hana í hillur stórmarkaða fimm árum síðar.

Þetta og margt fleira á samtengdum rásum Bylgjunnar og Stöðvar 2 klukkan 18:30.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið