Erlent

Sextán ára heiladáin eftir meðferð lögreglu

Viktor Örn Ásgeirsson skrifar
Foreldrar Armitu stigu fram í viðtali á ríkisfjölmiðli Íran þar sem þau sögðu dóttur sína líklega hafa dottið. Mannréttindasamtök taka skýringunum með fyrirvara.
Foreldrar Armitu stigu fram í viðtali á ríkisfjölmiðli Íran þar sem þau sögðu dóttur sína líklega hafa dottið. Mannréttindasamtök taka skýringunum með fyrirvara. AP Photo/Iranian state television

Sextán ára írönsk stúlka varð fyrir alvarlegum heilaskaða eftir það, sem mannréttindasamtök telja að hafa verið meðferð lögreglu. Hún var ekki með hijab-slæðu á almannafæri.

Írönsk yfirvöld neita því að ástand stúlkunnar sé lögreglu að kenna. Í tilkynningu segir að læknar hafi reynt allt, án árangurs.

Mannréttindasamtök halda því fram að siðgæðislögreglan í Íran hafi veist að stúlkunni, hinni sextán ára gömlu Armitu Gervand, í neðanjarðarlest í Tehran. Eins og fyrr segir á hún að hafa sleppt því að nota hijab-slæðu á almannafæri og brotið þar með siðgæðislög. 

Guardian greinir frá því að hætta sé á að mótmæli brjótist út vegna málsins. Fyrir ári síðan geisuðu gríðarmikil mótmæli í Íran í meira en mánuð eftir að Masha Amini, 22 ára gömul kona, lést í haldi siðgæðislögreglunnar. Margir voru handteknir í mótmælunum og sumir voru dæmdir til dauða.

Mótmælaalda í Íran Íran
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið