Nýjustu sigur­vegarar Love Is­land í sitt hvora áttina

Breska götu­blaðið Daily Mail hefur eftir ó­nefndum heimildar­manni að parið hafi á­kveðið að kalla þetta gott. Heimildar­maðurinn er sagður náinn parinu og hann segir að það hafi verið Jess sem hafi átt frum­kvæðið að sam­bands­slitunum.

Parið átti ekki sjö dagana sæla í lúxu­s­villunni á Mall­or­ca í sumar við tökur á tíundu seríu raunveruleikaþáttanna vinsælu. Bjuggust raunar fæstir við að þau myndu bera sigur úr býtum í seríunni en Sam­my var dug­legur að velta öðrum kven­kostum fyrir sér.

Þá minntist hann jafn­framt á það að Jess væri í raun og veru ekki hans týpa. Það kom því mörgum á ó­vart þegar parið komst alla leiðina í úr­slit og enn fleirum á ó­vart þegar parið hreppti 50 þúsund sterlings­pund í vinnings­fé, eða því sem nemur rúmum 8,5 milljónum ís­lenskra króna.

„Hlutirnir hafa breyst síðan þau yfir­gáfu villuna. Jess áttaði sig á því að þau væru betur sett sem vinir,“ hefur Daily Mail eftir hinum ó­nefnda heimildar­manni.