Innlent

Kvöldfréttir Stöðvar 2

Ólafur Björn Sverrisson skrifar
Telma Tómasson les fréttir í kvöld.
Telma Tómasson les fréttir í kvöld. Vísir

Torfajökull er einn þriggja jökla á landinu sem mun að öllum líkindum hverfa á næstu tveimur áratugum. Jöklafræðingur segir ekkert geta bjargað jöklinum úr þessu. Ljósmyndarinn RAX flaug nýverið yfir jökulinn og sýnir myndefnið vel stöðuna í dag.

Við sjáum myndirnar og fjöllum nánar um málið í kvöldfréttum Stöðvar 2.

Héraðsdómur Reykjavíkur hefur vísað frá dómi ákæru í hryðjuverkamálinu svokallaða. Við ræðum við Svein Andra Sveinsson, verjanda annars þeirra ákærðu, í beinni.

Þrettán ára strákur var kallaður skömm fyrir íþróttafélag sitt þegar hann dæmdi leik sex ára barna á fótboltamóti. Dæmi eru um að foreldrar veitist að ungmennum sem hafa dæmt fótboltaleiki barna.Við sjáum brot úr Hliðarlínunni sem fer í loftið að loknum kvöldfréttum.

Þá verðum við í beinni frá Breiðholti og skoðum vinningstillögur í hugmyndasamkeppninni Hverfið mitt. Í einni þeirra felst að koma upp stóru skilti sem býður fólk velkomið í hverfið. Þá kynnum við okkur afmælisveislu fyrir flugvél og kíkjum á sérstakt skósafn sem er til sýnis á Höfn.

Í Íslandi í dag hittir Vala Matt leikarann Tómas Lemarquis sem hefur innréttað rútu sem hann býr í á ferðum sínum um landið.

Þetta og margt fleira á samtengdum rásum Bylgjunnar og Stöðvar 2 klukkan 18:30.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið