Erlent

Hljóta Nóbels­verð­laun fyrir vísindin á bak við mRNA-bólu­efni gegn Co­vid

Atli Ísleifsson skrifar
Katalin Karikó og Drew Weissman eru nýir Nóbelsverðlaunahafar.
Katalin Karikó og Drew Weissman eru nýir Nóbelsverðlaunahafar. Nóbelsverðlaun

Ungversk-bandaríski lífefnafræðingurinn Katalin Karikó og bandaríski læknirinn Drew Weissman deila Nóbelsverðlaununum í lífeðlis- og læknisfræði í ár.

Þau deila verðlaununum fyrir vinnu þeirra við þróun mRNA-tækninnar sem stuðlaði að því að mögulegt var að þróa bóluefni gegn kórónuveirunni (Covid-19) á methraða.

Greint var frá ákvörðun sænsku Nóbelsnefndarinnar í morgun.

Í rökstuðningi nefndarinnar segir að með brautryðjandarannsóknum sínum, sem hafi gjörbreytt skilningi okkar á hvaða áhrif mRNA hafi á ónæmiskerfi okkar, hafi leitt til þess að hægt var að þróa bóluefni gegn kórónuveirunni á methraða. Veiran hafi breiðst hratt um heiminn í byrjun árs 2020 og verið ein mesta ógn gegn lýðheilsu í heiminum í seinni tíð.

Tilkynnt verður um hver hlýtur Nóbelsverðlaun í efnafræði í ár á blaðamannafundi á morgun.

Tilkynnt um handhafa Nóbelsverðlauna 2023

  • Mánudagur 2. október: Lífefna- og læknisfræði
  • Þriðjudagur 3. október: Eðlisfræði
  • Miðvikudagur 4. október: Efnafræði
  • Fimmtudagur 5. október: Bókmenntir
  • Föstudagur 6. október: Friðarverðlaun Nóbels
  • Mánudagur 9. október: Hagfræðiverðlaun Seðlabanka Svíþjóðar

Nóbelsverðlaun Faraldur kórónuveiru (COVID-19) Vísindi Bólusetningar Ungverjaland Bandaríkin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið