Erlent

Tíu látnir eftir að þak kirkju hrundi í Mexíkó

Atli Ísleifsson skrifar
Erlendir fjölmiðlar segja að tvö börn hið minnsta séu í hópi hinna látnu.
Erlendir fjölmiðlar segja að tvö börn hið minnsta séu í hópi hinna látnu. AP

Tíu eru sagðir látnir og um tuttugu aðrir eru fastir undir þaki kirkju sem hrundi í borginni Ciudad Madero í Tamaulipas-ríki í Mexíkó þegar sunnudagsmessan stóð sem hæst í gær.

BBC segir frá því að 49 hafi verið fluttir á spítala og að um hundrað hafi verið inni í Santa Cruz-kirkjunni þegar hún hrundi. Staðarmiðlar segja að skírnarathöfn hafi verið í gangi þegar slysið var.

Björgunarstarf er enn í gangi á staðnum og vonast er að einhverjir kirkjugesta hafi náð að koma sér í skjól undir kirkjubekkjunum þegar fór að hrynja úr þakinu.

Erlendir fjölmiðlar segja að tvö börn hið minnsta séu í hópi hinna látnu.

Mexíkó
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið