Innlent

Einn hand­tekinn fyrir akstur gegn um­ferð og annar fyrir far­síma­notkun

Hólmfríður Gísladóttir skrifar
Nóttin virðist hafa verið með rólegra móti.
Nóttin virðist hafa verið með rólegra móti. Vísir/Vilhelm

Lögreglan á höfuðborgarsvæðinu stöðvaði ökumann í gærkvöldi eða nótt sem ók gegn umferð á Suðurlandsbraut. Ökumaðurinn reyndist undir áhrifum áfengis.

Svo virðist sem vaktin hafi verið fremur róleg en ein tilkynning barst vegna líkamsárásar þar sem tveir voru sagðir hafa veist að einum. Gerendur komust undan en þolandinn var fluttur á Landspítala til aðhlynningar.

Ein tilkynning barst um umferðaróhapp þar sem rafmagnshlaupahjóli hafði verið ekið utan í bifreið. Var ökumaður hjólsins með áverka á höfði og öxl. Þá var einn stöðvaður vegna farsímanotkunar við akstur en sá reyndist ekki hafa gild ökuréttindi.

Ein tilkynning barst um þjófnað, í verslun í póstnúmerinu 105. Lögregla náði tali af meintum þjófum og var málið afgreitt með skýrslutöku á vettvangi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×

Velkomin á Vísi. Þessi vefur notar vafrakökur. Sjá nánar.