Hættir eftir þriggja áratuga starf sem umsjónaraðili Málmeyjar Atli Ísleifsson skrifar 6. október 2023 07:00 Páll á Geisla Sk í höfninni á Hofsósi. Páll sigldi Geisla oftar en einu sinni og oftar en tvisvar út í Málmey. Aðsend „Mér þykir mjög vænt um þessa eyju. Ég er hins vegar orðinn það slæmur til heilsunnar að það er kominn tími til að nýr maður taki við þessu hlutverki.“ Þetta segir Hartmann Páll Magnússon á Hofsósi sem látið hefur af störfum sem umsjónaraðili Málmeyjar í Skagafirði. Páll er fæddur og uppalinn í Skagafirði og verður áttræður á næsta ári. Málmey í Skagafirði. Á eyjunni er meðal annars að finna tíu metra háan vita sem sjá má til vinstri á myndinni. Hugi Ólafsson „Ég tók við þessu af Kjartani Hallgrímssyni á Tjörnum. Ég man nú ekki alveg hvaða ár þetta var en það eru ansi mörg ár síðan,“ segir Páll í samtali við Vísi. Páll úti í Málmey. Aðsend Starfslok Páls voru tekin fyrir á fundi byggðarráðs Skagafjarðar á dögunum þar sem fram kom að sveitarstjóri hefði átt fund með forstjóra Vegagerðarinnar um málið og að allir væru sammála um að auglýsa eftir nýjum umsjónarmanni. Vegagerðin kemur að málinu þar sem stofnunin fer með málefni vita landsins en einn slíkan er að finna í eynni. Páll á góðri stund.Aðsend En í hverju felst þetta hlutverk, að vera umsjónaraðili Málmeyjar? „Það er nú fyrst og fremst að fylgjast með ferðum fólks í Málmey og umgengninni þar. Passa upp á eyjuna,“ segir Páll. Málmey er stærri eyjan af tveimur í Skagafirðinum. Hin er Drangey. Getty Lagðist í eyði á sjötta áratugnum Málmey er stærri eyjan af tveimur í Skagafirðinum. Hin er Drangey. Eyjuna er að finna norðaustan við Drangey og er hún fjögurra kílómetra löng og 2,4 kílómetra breið. Á vef NAT segir að eyjan sé fremur láglend en að hæsti punkturinn sé 156 metra hár, Kaldbakur. Eyjan var í byggð lengst fram undir 1950 en eftir að bærinn sem þar stóð brann lagðist eyjan í eyði. Þegar bærinn brann bjuggu fjórtán manns í bænum og þar af tíu börn. Páll á leið út í Málmey.Aðsend Páll segist hafa um árabil boðið upp á ferðir frá Hofsósi og út í eyju, en siglingin tekur um hálftíma. „Það er ýmislegt hægt að gera þarna. Það er hægt að ganga um, skoða gömlu bæjarrústirnar, en grunnurinn er þarna enn þá. Svo er fjárhús aðeins neðar þar sem hægt er að leita skjóls, gamall brunnur og eftirstöðvar saltverkunar,“ segir Páll. Í eyjunni er sömuleiðis að finna tíu metra háan vita sem byggður var árið 1937. Drösluðu hjólhýsi upp á eyju Páll segir að sér þyki mjög vænt um Málmey og að það sé mjög gaman að fara þangað. Páll og félagar hans drösluðu eitt sinn hjólhýsi út í eyju og nýttu það sem athvarf. Aðsend „Við vorum dugleg að fara í eggjatöku á vorin, en mikið er um fýlsegg þarna. Björgunarsveitin leitaði þangað líka og seldi svo eggin í fjáröflunarskyni. Oft vorum við yfir heila nótt þar sem við lágum í laut þarna niðurfrá, þar sem uppgangan er fyrir utan vitann. Um tíma var ég líka með hjólhýsi úti í eyjunni. Kom því upp á níunda áratugnum þar sem björgunarsveitarmenn og fleiri vaskir menn hjálpuðu mér að koma því upp. Við notuðum það þegar við vorum í eggjatöku og að háfa lunda,“ segir Páll. Páll á lundaveiðum í Málmey.Aðsend Aðspurður um hvaða ráð Páll sé með til arftakans segir hann málið einfaldlega vera að hugsa vel um eyjuna. „Að tryggja að vel sé gengið um eyjuna og tryggja að hann sé látinn vita þegar fólk leggi leið sína þangað. Það er mikilvægt að einhver viti um allar ferðir út í Málmey,“ segir Páll. Páll á leiðinni út í Málmey.Aðsend Páll Magnússon. Aðsend Samningurinn frá 1994.Aðsend Skagafjörður Eldri borgarar Umhverfismál Mest lesið Þingmaður úðaði eyrnameðali fyrir hunda í kokið á sér Innlent Tóku á móti tveimur börnum á innan við klukkustund Innlent Kveður Glerártorg eftir sautján ár Innlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Innlent „Hafa ekki lyft litla fingri í máli Oscars“ Innlent Dúxinn fjarri góðu gamni Innlent Vísar ásökunum um smölun aftur til sendanda Innlent Fólk veltir fyrir sér hvort Áslaug Arna hafi verið slompuð í ræðustól Innlent Fleiri fréttir Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Sjá meira
Þetta segir Hartmann Páll Magnússon á Hofsósi sem látið hefur af störfum sem umsjónaraðili Málmeyjar í Skagafirði. Páll er fæddur og uppalinn í Skagafirði og verður áttræður á næsta ári. Málmey í Skagafirði. Á eyjunni er meðal annars að finna tíu metra háan vita sem sjá má til vinstri á myndinni. Hugi Ólafsson „Ég tók við þessu af Kjartani Hallgrímssyni á Tjörnum. Ég man nú ekki alveg hvaða ár þetta var en það eru ansi mörg ár síðan,“ segir Páll í samtali við Vísi. Páll úti í Málmey. Aðsend Starfslok Páls voru tekin fyrir á fundi byggðarráðs Skagafjarðar á dögunum þar sem fram kom að sveitarstjóri hefði átt fund með forstjóra Vegagerðarinnar um málið og að allir væru sammála um að auglýsa eftir nýjum umsjónarmanni. Vegagerðin kemur að málinu þar sem stofnunin fer með málefni vita landsins en einn slíkan er að finna í eynni. Páll á góðri stund.Aðsend En í hverju felst þetta hlutverk, að vera umsjónaraðili Málmeyjar? „Það er nú fyrst og fremst að fylgjast með ferðum fólks í Málmey og umgengninni þar. Passa upp á eyjuna,“ segir Páll. Málmey er stærri eyjan af tveimur í Skagafirðinum. Hin er Drangey. Getty Lagðist í eyði á sjötta áratugnum Málmey er stærri eyjan af tveimur í Skagafirðinum. Hin er Drangey. Eyjuna er að finna norðaustan við Drangey og er hún fjögurra kílómetra löng og 2,4 kílómetra breið. Á vef NAT segir að eyjan sé fremur láglend en að hæsti punkturinn sé 156 metra hár, Kaldbakur. Eyjan var í byggð lengst fram undir 1950 en eftir að bærinn sem þar stóð brann lagðist eyjan í eyði. Þegar bærinn brann bjuggu fjórtán manns í bænum og þar af tíu börn. Páll á leið út í Málmey.Aðsend Páll segist hafa um árabil boðið upp á ferðir frá Hofsósi og út í eyju, en siglingin tekur um hálftíma. „Það er ýmislegt hægt að gera þarna. Það er hægt að ganga um, skoða gömlu bæjarrústirnar, en grunnurinn er þarna enn þá. Svo er fjárhús aðeins neðar þar sem hægt er að leita skjóls, gamall brunnur og eftirstöðvar saltverkunar,“ segir Páll. Í eyjunni er sömuleiðis að finna tíu metra háan vita sem byggður var árið 1937. Drösluðu hjólhýsi upp á eyju Páll segir að sér þyki mjög vænt um Málmey og að það sé mjög gaman að fara þangað. Páll og félagar hans drösluðu eitt sinn hjólhýsi út í eyju og nýttu það sem athvarf. Aðsend „Við vorum dugleg að fara í eggjatöku á vorin, en mikið er um fýlsegg þarna. Björgunarsveitin leitaði þangað líka og seldi svo eggin í fjáröflunarskyni. Oft vorum við yfir heila nótt þar sem við lágum í laut þarna niðurfrá, þar sem uppgangan er fyrir utan vitann. Um tíma var ég líka með hjólhýsi úti í eyjunni. Kom því upp á níunda áratugnum þar sem björgunarsveitarmenn og fleiri vaskir menn hjálpuðu mér að koma því upp. Við notuðum það þegar við vorum í eggjatöku og að háfa lunda,“ segir Páll. Páll á lundaveiðum í Málmey.Aðsend Aðspurður um hvaða ráð Páll sé með til arftakans segir hann málið einfaldlega vera að hugsa vel um eyjuna. „Að tryggja að vel sé gengið um eyjuna og tryggja að hann sé látinn vita þegar fólk leggi leið sína þangað. Það er mikilvægt að einhver viti um allar ferðir út í Málmey,“ segir Páll. Páll á leiðinni út í Málmey.Aðsend Páll Magnússon. Aðsend Samningurinn frá 1994.Aðsend
Skagafjörður Eldri borgarar Umhverfismál Mest lesið Þingmaður úðaði eyrnameðali fyrir hunda í kokið á sér Innlent Tóku á móti tveimur börnum á innan við klukkustund Innlent Kveður Glerártorg eftir sautján ár Innlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Innlent „Hafa ekki lyft litla fingri í máli Oscars“ Innlent Dúxinn fjarri góðu gamni Innlent Vísar ásökunum um smölun aftur til sendanda Innlent Fólk veltir fyrir sér hvort Áslaug Arna hafi verið slompuð í ræðustól Innlent Fleiri fréttir Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Sjá meira