Náðu að draga Ocean Explorer af strandstað

Atli Ísleifsson skrifar 14. september 2023 12:35

Ocean Explorer var smíðað árið 2021 og er í eigu ástralska fyrirtækisins Aurora Expeditions. Arktisk kommando

Tarajoq, rannsóknarskip grænlensku umhverfisstofnunarinnar, tókst að draga skemmtiferðaskipið Ocean Explorer af strandstað í Alpafirði á austurströnd Grænlands um hádegisbil í dag.

Þetta kemur fram í færslu norðurslóðadeildar danska hersins á Facebook, en skemmtiferðaskipið strandaði við austurströnd Grænlands síðastliðinn mánudag.

Alls eru 206 um borð í skipinu og hafa verið föst um borð frá því að skipið strandaði. Enginn slasaðist og ku skipið ekki vera skemmt.

Þór, varðskip Landhelgisgæslunnar, var í biðstöðu um tíma fyrr í vikunni vegna strandsins en björgunarmiðstöðin í Nuuk tilkynnti þeim síðdegis í fyrradag að ekki væri þörf á aðstoð þeirra.

Ocean Explorer var smíðað árið 2021 og er í eigu ástralska fyrirtækisins Aurora Expeditions. Skipið hefur nokkrum sinnum siglt til Íslands, síðast í júlí. Það er 104 metrar á lengd, átján metrar á breidd og siglir undir fána Bahamaeyja.

Grænland

Tengdar fréttir

Enn ekki tekist að koma skemmtiferðaskipinu á flot

Skemmtiferðaskipið Ocean Explorer hefur verið strand við austurströnd Grænlands síðan á mánudag. Engan sakaði þegar skipið strandaði.

13. september 2023 23:38

Ákveða á næstu klukkustundum hvort Þór stími til Grænlands

Áhöfn varðskipsins Þórs er í viðbragðsstöðu norður af Langanesi vegna strands skemmtiferðaskips við austurströnd Grænlands.

13. september 2023 10:24

Skemmtiferðaskip strand við austurströnd Grænlands

Skemmtiferðaskipið Ocean Explorer strandaði við Alpafjörð við austurströnd Grænlands í gærmorgun. Vonast var til að hægt yrði að koma skipinu af strandstað á háflóði í gær en það gekk ekki.

13. september 2023 07:46

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.