Innlent

Gera kröfu um að eftirlitið verði í námunda við fiskeldið

Kristján Már Unnarsson skrifar
Þórdís Sif Sigurðardóttir er bæjarstjóri Vesturbyggðar.
Þórdís Sif Sigurðardóttir er bæjarstjóri Vesturbyggðar. Egill Aðalsteinsson

Andstæðingar sjókvíaeldis hafa ítrekað kröfur sínar um að eldi á laxi í fjörðum landsins verði bannað eftir að staðfest var að 27 eldislaxar, sem fundist hafa í laxveiðiám víða um land að undanförnu, eru úr kvíum Arctic Fish í Patreksfirði.

Í fréttum Stöðvar 2 var rætt við bæjarstjóra Vesturbyggðar, Þórdísi Sif Sigurðardóttur, í beinni útsendingu frá Patreksfirði.

„Í fiskeldi má alltaf gera ráð fyrir að sé strok. Lögin og reglur um fiskeldi gera alltaf ráð fyrir stroki þannig að þetta á ekkert að koma okkur mikið á óvart að það sé strok,“ segir Þórdís Sif.

Hún segir áhættumat erfðablöndunar byggt inn í lögin sem gildi þá vegna þessara fiska og áhrifa þeirra í laxveiðiám. Einnig viðbragðsáætlun sem fiskeldisfyrirtæki eigi að setja sér og fara eftir vegna stroka.

Laxeldiskvíarnir umræddu í dag. Byggðin á Patreksfirði í bakgrunni.Egill Aðalsteinsson

„Ég veit náttúrlega ekki hvernig eftirlitinu var framfylgt hjá þeim. En við gerum auðvitað þá kröfu til allra atvinnurekenda að fara eftir eftirliti og lögum sem gilda um atvinnugreinina.

Við höfum jafnframt verið að kalla eftir því í mörg ár, í meira en tíu ár, eftir að atvinnugreinin hóf starfsemi hér, að lög og reglur verði skýrðar varðandi fiskeldið og að eftirlitið verði hert. Og við höfum gert þá kröfu að eftirlitið verði jafnframt hérna, í námunda við fiskeldið, þar sem þú ert bara nær þeim stað þar sem kannski slysin gerast.“

-Hagsmunaaðilar sem vilja vernda náttúrulega íslenska laxinn segja að stofninn sé í hættu, það verði að grípa til aðgerða. Eru þeir að ýkja hættuna?

„Ég veit ekkert um það. Í rauninni verður Hafró að svara því.

Ef það á að taka upp áhættumat erfðablöndunar þá er það bara lifandi plagg sem er hægt að taka upp aftur.

Þannig að ég held að það vilji enginn stefna íslenska laxinum í hættu og þetta er langt undir þeim viðmiðunum. Aðeins þrjátíu laxar sem hafa komið upp.

Auðvitað getur verið að það komi fleiri. En ég held að þetta sé svolítið svona stormur í vatnsglasi. En auðvitað er áhyggjuefni ef þetta verður viðvarandi og það verður mikið strok. Og ég held að það vilji enginn hafa mikið strok úr kvíunum,“ segir bæjarstjórinn.

Kvíarnar sem laxinn slapp úr eru í sunnanverðum Patreksfirði, undan Kvígindisdal.Egill Aðalsteinsson

Sjókvíaeldið er einna stærst á landinu í sveitarfélögunum á sunnanverðum Vestfjörðum. En væri hægt að færa það upp á land?

„Það er ekki hægt að færa þetta upp á land hérna. Ef sjókvíaeldi yrði bannað þá myndi ekki vera eldi á Vestfjörðum.

En við ætlum ekki að gefa neinn afslátt fyrir umhverfið eða samfélagið hérna á einhverjum slysum,“ segir Þórdís Sif, bæjarstjóri Vesturbyggðar.

Hér má sjá frétt Stöðvar 2:

Fiskeldi Vesturbyggð Lax Umhverfismál Sjókvíaeldi

Tengdar fréttir

Ís­lenski laxa­stofninn deyi út verði ekkert gert

Framkvæmdastjóri Verndarsjóðs Villtra Laxastofna segir íslenska laxastofninn deyja út haldi laxeldi áfram í opnum sjókvíum. Í gær var staðfest að eldislax hafi fundist í að minnsta kosti ellefu ám en þeir höfðu sloppið úr sjókví Arcitc Sea Farm í Patreksfirði í síðasta mánuði. 

Grunur um mikið magn stroku­­laxa: „Þetta er um­­hverfis­­slys“

Grunur er um það að strokulax hafi komist mjög víða í ár á Vestfjörðum og allt að ám í Húnavatnssýslu. Tæpar tvær vikur eru frá því að greint var frá gati á sjókvíum í Patreksfirði. Veiðimenn furða sig á litlu eftirliti Fiskistofu og hafa miklar áhyggjur af villta íslenska stofninum. 

Opinber störf vegna fiskeldis fari á sunnanverða Vestfirði

Forystumenn á Vestfjörðum þrýsta á að rannsóknar- og eftirlitsstörf vegna fiskeldis verði staðsett í fjórðungnum enda séu vestfirsk samfélög og firðir undir. Formaður bæjarráðs Vesturbyggðar segir að til þessa hafi ekkert einasta opinbert starf vegna greinarinnar komið á sunnanverða Vestfirði.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið