Hæstánægð með metvinsældir sem þó komi mikið á óvart Vésteinn Örn Pétursson skrifar 11. september 2023 18:50 Frá tónleikum Laufeyjar á tónlistarhátíð í Washington í síðasta mánuði. Astrida Valigorsky/Getty „Ég er mjög ánægð. Það er mjög skemmtilegt að sjá svona tölur,“ segir tónlistarkonan Laufey Lín Jónsdóttir, innt eftir viðbrögðum við fréttum af því að hún hafi slegið stórstjörnum á borð við Tony Bennett og Lady Gaga við, með útgáfu djassplötu sinnar. Metið sem um ræðir snýr að fjölda spilana á fyrsta sólarhring, en plötunni Bewitched sem Laufey gaf út fyrir helgi var streymt 5,7 milljón sinnum á fyrsta sólarhring eftir útgáfu. Það eru fleiri spilanir en nokkur önnur djassplata hefur fengið á fyrsta sólarhring eftir útgáfu. Eins og áður sagði áttu Lady Gaga og Tony Bennett fyrra metið, eftir að plata þeirra Love for Sale kom út fyrir tveimur árum síðan. Henni var streymt 1,1 milljón sinnum á fyrsta sólarhring, og metið því hríðfallið. „Ég reyni að hugsa ekki of mikið um tölurnar og reyni bara að búa til tónlist, og gera það sem best. En svo þegar platan kemur út og tölurnar fara að streyma inn þá kemur þetta alltaf frekar mikið á óvart,“ sagði Laufey, en rætt var við hana í Reykjavík síðdegis á Bylgjunni í dag. Leitaði í ræturnar Laufey segir plötuna, sem er hennar önnur plata, vera ástarplötu í bland við annað. „Persónulega myndi ég segja að mér sé búið að fara fram í lagasmíðum, þannig að ég held að lögin séu miklu betri en á síðustu plötu,“ segir Laufey og bætir við hún sé orðin sjálfsöruggari í tónlistinni. „Ég ákvað fyrir þessa plötu að fara virkilega inn í djass- og klassísku hliðina mína. Ég hafði það alltaf að markmiði að koma djasstónlist sérstaklega, en líka klassískri, á framfæri við sérstaklega ungan aldurshóp,“ segir Laufey. Hún hafi verið óviss um hversu langt hún gæti teygt sig inn á það svið áður en hún færi að missa unga hlustendur. „En ég fann eftir fyrstu plötuna að vinsælustu lögin voru lögin sem voru mest eins og gömul djasslög, eða lög sem voru tekin upp með sinfóníuhljómsveit. Þannig að ég ákvað fyrir þessa plötu að fara mikið inn í ræturnar mínar, djass- og klassísku ræturnar.“ Vinnur náið með systur sinni Laufey segist ekki vita hvað búi að baki gríðarlegum vinsældum nýjustu plötunnar. „Ég er hægt og rólega búin að vera að byggja þetta upp. Gefa út lög, byggja upp á Instagram og TikTok og svona. Ég veit það ekki. Ég held það hafi vantað djasssöngkonu fyrir minn aldurshóp. Þetta var bara eitthvað nýtt fyrir þeim. Það er erfitt að svara þessu,“ segir Laufey og hlær. Laufey hefur unnið mikið með tvíburasystur sinni, Júníu Lín, sem er listrænn stjórnandi hjá henni. „Hún hefur hjálpað mér mikið að byggja upp heiminn á bak við Laufey. Tónlistarmyndbönd, myndatökur, allt svona sem maður sér, það er Júnía.“ Tónleikar í Kína, Bandaríkjunum og Hörpu Laufey er búsett í Los Angeles og segist dreyma um að semja tónlist fyrir kvikmyndir. „Það er alveg á planinu. Stærsti draumurinn er að semja eitthvað eins og Lala-land, eða lagið fyrir James Bond. Það er markmiðið, en sjáum til. Tónlistarbransinn í Bandaríkjunum er að mestu leyti í Los Angeles. Ég flutti hingað til að vinna með pródúsentum og allir artistarnir eru hér. Það er aðalástæðan fyrir því að ég bý hér,“ segir Laufey. Hún segir erlenda fjölmiðla hafa haft mikinn áhuga á plötunni og vinsældum hennar. Laufey ætlar að fylgja plötunni eftir með tónleikum, meðal annars á Íslandi. „Það verða tónleikar í Eldborg 9. mars og við erum að fara að setja upp aukatónleika 10. mars.“ Eftir viku heldur Laufey til Kína, þar sem hún mun halda tónleika í Peking og Hong Kong, en Laufey er hálfkínversk. Um er að ræða fyrstu tónleika hennar í landinu. „Og 10. október þá byrja ég á tónleikaferðalagi um Bandaríkin og Kanada. Það verða 30 tónleikar,“ segir Laufey. Viðtalið við hana í heild sinni má heyra í spilaranum hér að ofan. Tónlist Menning Spotify Laufey Lín Mest lesið „Restin í hárið“ reglan gildir í Flonkyball Lífið samstarf „Það er einmanalegt að missa móður“ Lífið Trúlofuðust á gjörgæslunni eftir bílslys á Íslandi Lífið Fréttatía vikunnar: Þyrlur, forsetaframbjóðendur og skemmdarverk Lífið Ellý snýr aftur vegna fjölda áskorana Lífið Borgarstjóri og frú tóku veislustjórnina að sér Lífið Nýtt upphaf Margrétar: „Búin að heita þessu nafni í rúma viku“ Lífið María Sigrún leikur í einni dýrustu mynd allra tíma Bíó og sjónvarp Aron passaði varla inn í bílinn Lífið Nefnd í höfuðið á tveimur mikilvægum konum í lífi þeirra Lífið Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira
Metið sem um ræðir snýr að fjölda spilana á fyrsta sólarhring, en plötunni Bewitched sem Laufey gaf út fyrir helgi var streymt 5,7 milljón sinnum á fyrsta sólarhring eftir útgáfu. Það eru fleiri spilanir en nokkur önnur djassplata hefur fengið á fyrsta sólarhring eftir útgáfu. Eins og áður sagði áttu Lady Gaga og Tony Bennett fyrra metið, eftir að plata þeirra Love for Sale kom út fyrir tveimur árum síðan. Henni var streymt 1,1 milljón sinnum á fyrsta sólarhring, og metið því hríðfallið. „Ég reyni að hugsa ekki of mikið um tölurnar og reyni bara að búa til tónlist, og gera það sem best. En svo þegar platan kemur út og tölurnar fara að streyma inn þá kemur þetta alltaf frekar mikið á óvart,“ sagði Laufey, en rætt var við hana í Reykjavík síðdegis á Bylgjunni í dag. Leitaði í ræturnar Laufey segir plötuna, sem er hennar önnur plata, vera ástarplötu í bland við annað. „Persónulega myndi ég segja að mér sé búið að fara fram í lagasmíðum, þannig að ég held að lögin séu miklu betri en á síðustu plötu,“ segir Laufey og bætir við hún sé orðin sjálfsöruggari í tónlistinni. „Ég ákvað fyrir þessa plötu að fara virkilega inn í djass- og klassísku hliðina mína. Ég hafði það alltaf að markmiði að koma djasstónlist sérstaklega, en líka klassískri, á framfæri við sérstaklega ungan aldurshóp,“ segir Laufey. Hún hafi verið óviss um hversu langt hún gæti teygt sig inn á það svið áður en hún færi að missa unga hlustendur. „En ég fann eftir fyrstu plötuna að vinsælustu lögin voru lögin sem voru mest eins og gömul djasslög, eða lög sem voru tekin upp með sinfóníuhljómsveit. Þannig að ég ákvað fyrir þessa plötu að fara mikið inn í ræturnar mínar, djass- og klassísku ræturnar.“ Vinnur náið með systur sinni Laufey segist ekki vita hvað búi að baki gríðarlegum vinsældum nýjustu plötunnar. „Ég er hægt og rólega búin að vera að byggja þetta upp. Gefa út lög, byggja upp á Instagram og TikTok og svona. Ég veit það ekki. Ég held það hafi vantað djasssöngkonu fyrir minn aldurshóp. Þetta var bara eitthvað nýtt fyrir þeim. Það er erfitt að svara þessu,“ segir Laufey og hlær. Laufey hefur unnið mikið með tvíburasystur sinni, Júníu Lín, sem er listrænn stjórnandi hjá henni. „Hún hefur hjálpað mér mikið að byggja upp heiminn á bak við Laufey. Tónlistarmyndbönd, myndatökur, allt svona sem maður sér, það er Júnía.“ Tónleikar í Kína, Bandaríkjunum og Hörpu Laufey er búsett í Los Angeles og segist dreyma um að semja tónlist fyrir kvikmyndir. „Það er alveg á planinu. Stærsti draumurinn er að semja eitthvað eins og Lala-land, eða lagið fyrir James Bond. Það er markmiðið, en sjáum til. Tónlistarbransinn í Bandaríkjunum er að mestu leyti í Los Angeles. Ég flutti hingað til að vinna með pródúsentum og allir artistarnir eru hér. Það er aðalástæðan fyrir því að ég bý hér,“ segir Laufey. Hún segir erlenda fjölmiðla hafa haft mikinn áhuga á plötunni og vinsældum hennar. Laufey ætlar að fylgja plötunni eftir með tónleikum, meðal annars á Íslandi. „Það verða tónleikar í Eldborg 9. mars og við erum að fara að setja upp aukatónleika 10. mars.“ Eftir viku heldur Laufey til Kína, þar sem hún mun halda tónleika í Peking og Hong Kong, en Laufey er hálfkínversk. Um er að ræða fyrstu tónleika hennar í landinu. „Og 10. október þá byrja ég á tónleikaferðalagi um Bandaríkin og Kanada. Það verða 30 tónleikar,“ segir Laufey. Viðtalið við hana í heild sinni má heyra í spilaranum hér að ofan.
Tónlist Menning Spotify Laufey Lín Mest lesið „Restin í hárið“ reglan gildir í Flonkyball Lífið samstarf „Það er einmanalegt að missa móður“ Lífið Trúlofuðust á gjörgæslunni eftir bílslys á Íslandi Lífið Fréttatía vikunnar: Þyrlur, forsetaframbjóðendur og skemmdarverk Lífið Ellý snýr aftur vegna fjölda áskorana Lífið Borgarstjóri og frú tóku veislustjórnina að sér Lífið Nýtt upphaf Margrétar: „Búin að heita þessu nafni í rúma viku“ Lífið María Sigrún leikur í einni dýrustu mynd allra tíma Bíó og sjónvarp Aron passaði varla inn í bílinn Lífið Nefnd í höfuðið á tveimur mikilvægum konum í lífi þeirra Lífið Fleiri fréttir Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Sjá meira