Innlent

Lög­regla rann­sakar manns­lát á Land­spítalanum

Kristinn Haukur Guðnason skrifar
Andlátið varð fyrr í þessum mánuði.
Andlátið varð fyrr í þessum mánuði. Vísir/Vilhelm

Lögreglurannsókn er hafin á andláti á Landspítalanum fyrr í þessum mánuði. Andlátið var tilkynnt til embættis landlæknis og lögreglu samkvæmt reglum spítalans. 

„Það varð andlát vegna alvarlegs atviks. Lögum samkvæmt skal tilkynna það til embættis landlæknis eða lögreglu ef grunur er á að andlát hafi orðið vegna óhappatilviks eða mistaka. Það er í verklaginu okkar. Við veitum engar frekari upplýsingar um málið,“ segir Andri Ólafsson, samskiptafulltrúi Landspítalans.

Gunnar Rúnar Sveinbjörnsson, kynningarfulltrúi Lögreglunnar á höfuðborgarsvæðinu, staðfestir að málið sé kominn inn á borð lögreglu og að rannsókn sé hafin á því. RÚV greindi fyrst frá andlátinu í gær.

„Ekki er hægt að veita upplýsingar um að hverju rannsókn lögreglu beinist sérstaklega,“ segir Gunnar Rúnar.

Fréttin hefur verið uppfærð.

Lögreglumál Landspítalinn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið