Innlent

Engin mygla lengur í Sunnulækjarskóla á Selfossi

Magnús Hlynur Hreiðarsson skrifar
Sunnulækjarskóli, sem er nú laus við alla mygla og því getur eðlilegt skólastarf hafist þar við skólasetninguna 23. ágúst.
Sunnulækjarskóli, sem er nú laus við alla mygla og því getur eðlilegt skólastarf hafist þar við skólasetninguna 23. ágúst. Magnús Hlynur Hreiðarsson

Í vor mældist mygla í vinnuherbergjum í Sunnulækjarskóla á Selfossi og var þeim herbergjum strax lokað og hafist handa við lagfæringar á þeim eftir að starfsmenn fóru í sumarfrí.

„Nú er búið að hreinsa þessi svæði með tilheyrandi aðgerðum, skipta um gólfefni þar sem rakinn leyndist og gera viðeigandi ráðstafanir á ytra byrgði hússins til að koma í veg fyrir endurtekna rakamyndun,“ segir Hermann Örn Kristjánsson, skólastjóri. 

Hann segir að lögð hafi verið strax áhersla á að upplýsa foreldra um stöðuna jafnóðum og stjórnendur fengu fregnir af framvindu mála og niðurstöðum rakamælinga. „Við teljum okkur vera búin að koma í veg fyrir myglu og rakaskemmdir með þeim aðgerðum, sem unnur voru sumar. Iðnaðarmenn eru að leggja lokahönd á verkefnið svo við sjáum fram á að geta tekið öll svæði í notkun strax við skólasetningu 23. ágúst, bætir Hermann Örn við. Rúmlega 650 nemendur eru skráðir í skólann í vetur og heildarfjöldi starfsmanna verður um 140.

Rúmlega 650 nemendur verða í skólanum í vetur og starfsmenn eru um 140. Magnús Hlynur Hreiðarsson
Árborg Mygla Skóla - og menntamál Grunnskólar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið