Innlent

„Kæmi mér ekki á ó­vart ef land­gangurinn væri ó­nýtur“

Atli Ísleifsson skrifar
Atvikið átti sér stað um klukkan sjö í morgun.
Atvikið átti sér stað um klukkan sjö í morgun. Aðsend

Miklar skemmdir urðu á landganginum sem notaður er til að koma farþegum í og úr Herjólfi í Vestmannaeyjahöfn eftir að flutningabíl var ekið á hann í morgun.

„Það kæmi mér ekki á óvart ef landgangurinn væri ónýtur, en við erum að meta skemmdirnar,“ segir Hörður Orri Grettisson, framkvæmdastjóri Herjólfs, í samtali við Vísi. Það var mbl sem greindi fyrst frá málinu.

Hörður Orri segir að atvikið hafi átt sér stað um klukkan sjö í morgun, í fyrstu ferð. Til stóð að aka flutningabílnum um borð í ferjuna.

„Sem betur fer var enginn að ganga landganginn þegar þetta gerðist. En nú þarf að kalla til fulltrúa frá tryggingafélögum til að meta þetta allt saman. Það verður síðar að koma í ljós hvað við gerum, hvort hægt sé að gera við þennan eða hvað. Á meðan komum við gangandi í og úr skipinu um bíldekkið,“ segir Hörður Orri.

Vestmannaeyjar Herjólfur Samgönguslys
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið