Innlent

Starfaði ekki með börnum innan Sam­takanna ’78

Magnús Jochum Pálsson skrifar
Hús Samtakanna ’78 er til húsa á Suðurgötu. Mynd tengist frétt aðeins að því leyti að samtökin eru til umfjöllunar, hjólreiðamennirnir eru alls ótengdir.
Hús Samtakanna ’78 er til húsa á Suðurgötu. Mynd tengist frétt aðeins að því leyti að samtökin eru til umfjöllunar, hjólreiðamennirnir eru alls ótengdir. Vísir/Egill

Stjórn Samtakanna ’78 áréttar að einstaklingur sem er til rannsóknar hjá lögreglu vegna kynferðislegrar misnotkunar á börnum hefur aldrei unnið sjálfboðaliðastörf með börnum eða ungmennum innan samtakanna. Þá er viðkomandi ekki lengur á sjálfboðaliðskrá þeirra.

Þetta segir í tilkynningu sem Samtökin ’78 sendu frá sér vegna umfjöllunar fjölmiðla um málið undanfarið. 

Samtökin fengu fyrst ábendingar um ásakanir um kynferðisofbeldi í garð barna af hálfu fyrrverandi formanns félagaráðs í nóvember á síðasta ári. Aðgerðaráætlun samtakanna vegna ofbeldis var í kjölfarið virkjuð og var málið tilkynnt til viðeigandi yfirvalda.

Í tilkynningu sem samtökin birtu í fyrra kom fram að viðkomandi hefði aldrei unnið sjálfboðaliðastörf með börnum eða ungmennum innan Samtakanna ’78. Þá var sérstaklega tekið fram að sjálfboðaliðar séu aldrei einir á vettvangi sem er „liður í því að tryggja öryggi bæði gesta og sjálfboðaliðanna sjálfra“.

Einnig sagði að innan Samtakanna ’78 sé boðið upp á faglega ráðgjöf til hinsegin fólks eða vegna mála sem snertir þau. Slík ráðgjöf stæði þolendum málsins til boða að kostnaðarlausu, líkt og öðrum.

Samtökin ítreka að viðkomandi sjálfboðaliði hafi ekki starfað á vettvangi Samtakanna ’78 síðan málið kom upp í fyrra.

Fréttin hefur verið uppfærð.

Hinsegin Ofbeldi gegn börnum Kynferðisofbeldi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið