Atvinnulíf

Starfsfólk upplifir yfirmenn sína allt öðruvísi en þeir sjálfir

Rakel Sveinsdóttir skrifar
Það er himinn og haf hvernig yfirmenn sjá sjálfan sig og hvernig starfsmenn þeirra upplifa þá. Þetta sýna niðurstöður rannsóknar Harvard Business Review, þar sem greinahöfundar mæla með því að stjórnendur einfaldlega breyti um taktík því munurinn þarna á milli sé of mikill.
Það er himinn og haf hvernig yfirmenn sjá sjálfan sig og hvernig starfsmenn þeirra upplifa þá. Þetta sýna niðurstöður rannsóknar Harvard Business Review, þar sem greinahöfundar mæla með því að stjórnendur einfaldlega breyti um taktík því munurinn þarna á milli sé of mikill. Vísir/Getty

Þegar það kemur að nútímastjórnun er allt sem tengist jákvæðri endurgjöf, hvatningu, hrós og innblástur mikilvægt stjórntæki fyrir yfirmenn. Sem samkvæmt rannsókn Harvard Business Review telja sig einmitt mjög góða í þessu.

Niðurstöður sömu rannsóknar sýna hins vegar að starfsfólk er ekki að upplifa yfirmennina á sama hátt.

Í umræddri rannsókn, sem gerð var árið 2018, sýna niðurstöður að um 70% stjórnenda telja sig gefa starfsmönnum sínum mikinn innblástur og að þeim takist almennt mjög vel og markvisst að hvetja starfsmenn sína til dáða.

Niðurstöður sömu rannsóknar sýna hins vegar að 82% starfsfólks hafa ekki þá sömu skoðun á yfirmönnum sínum.

Svo sláandi eru þessar niðurstöður að greinahöfundar Harvard Business Review (HBR) mæla með því að stjórnendur skipti um taktík. Því þeir augljóslega eru ekki að ná þeim árangri sem þeir telja sjálfir að þeir séu að ná. Munurinn þarna á milli er einfaldlega of mikill, sýnin of ólík.

Í stað þess að reyna að vera leiðtogar sem telja sig vera góða í að hvetja starfsfólkið sitt til dáða, er mælt með því að stjórnendur skoði frekar leiðir sem beinast að starfsfólkinu sjálfu.

Fjögur atriði eru nefnd sérstaklega.

Einlægni: Að sýna starfsfólki samkennd og einlægan áhuga sem einstaklingum, frekar en að horfa á það sem hluta af einhverri heild

Líttu í eigin barm: Veltu til dæmis fyrir þér hvað þér finnst drífa þig áfram í starfi og hvernig þér tekst best upp við að takast á við áskoranir í vinnunni. Veltu síðan fyrir þér hvort það eru sömu leiðir eða aðferðir sem eru líklegar til að hafa sömu áhrif á starfsfólkið þitt. Ef já, nýttu þér þær þá og miðlaðu þeim. Ef nei, er það vísbending um að breyta mögulega algjörlega um takt í nálgun þína og samtölum við starfsmenn.

Sláðu af egóinu þínu: Stjórnendur geta orðið uppteknir af sínum eigin árangri, framgangi, ásýnd eða starfsframa. Þegar kemur að því að vera með mannaforráð og stjórna öðrum, á þetta ekki við og því er mælt með því að stjórnendur einfaldlega horfi meira á hvers konar stjórnun hentar fólkinu þínu best, en ekki hvað mögulega lætur þig líta best út.

Skilningur og samkennd: Sumir telja það veikleikamerki að sýna starfsmönnum sínum of mikla samkennd eða skilning. Samkvæmt HBR er þessi eiginleiki stjórnenda hins vegar einn sá besti sem góður leiðtogi býr yfir. Því alls staðar er það staðreynd að það mælist ekkert jafn vel í samskiptum og sú staðreynd að finnast á mann hlustað og að það sem maður segir skipti máli. Þess vegna er þetta eiginleiki sem stjórnendur ættu alvarlega að virkja hjá sjálfum sér og nálgast starfsfólkið sitt og samskipti við það á þeim nótum.

Stjórnun Mannauðsmál Vinnustaðamenning Góðu ráðin

Tengdar fréttir

Forstjórinn tók vakt í vöruhúsinu, fagsölumaðurinn gerði blómvendi og vörustjórinn fór á kassa

„Forstjórinn og launafulltrúinn tóku til dæmis vakt í vöruhúsinu. Fjármálastjórinn og deildarstjóri UT tóku vakt í pípudeild og einn af fagsölumönnunum okkar sem starfar við að selja stórum verktökum fór í Blómaval og gerði blómvendi!“ nefnir Edda Björk Kristjánsdóttir mannauðstjóri Húsasmiðjunnar sem dæmi um starfaskipti starfsfólks Húsasmiðjunnar, sem stóð fyrir starfaskiptaviku fyrir um mánuði síðan.

„Það er geggjað að upplifa þessi Aha! móment stjórnenda“

„Við höldum á svo mörgum boltum á lofti alla daga. Ekki bara í vinnunni, heldur líka þegar að við komum heim. Þess vegna segjum við oft að það að fara til markþjálfa sé eins og að fara úr storminum í lognið,“ segir Anna María Þorvaldsdóttir stjórnendaþjálfi hjá Víðsýni.

Z kyn­slóðin er allt öðru­vísi en eldri kyn­slóðir og mun breyta öllu

„Við þurfum alltaf að taka samtalið. Við þurfum alltaf að passa að vera í samráði við unga fólkið því að þau munu breyta öllu. Z kynslóðin, sem nú er 10 til 27 ára, er kynslóð sem er allt öðruvísi en kynslóðin sem er ríkjandi stjórnendahópur í dag,“ segir Anna Steinsen einn eigandi KVAN.

Fjórar kynslóðir á sömu vinnustöðum: Mikilvægt að þjálfa næstu kynslóð leiðtoga

„Eitt af því sem stendur upp úr í íslensku atvinnulífi í augnablikinu er að í fyrsta skipti erum við með fjórar ólíkar kynslóðir að vinna saman. Þetta eru þá kynslóðirnar sem eru Z kynslóðin, aldamótakynslóðin, X kynslóðin og sú sem er að jafnaði kölluð Baby boomers kynslóðin,“ segir Guðrún Högnadóttir framkvæmdastjóri Franklin Covey.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið