Erlent

Twitter gefur eftir og hleypir full­trúum ESB í höfuð­stöðvarnar

Hólmfríður Gísladóttir skrifar
Elon Musk, eigandi Twitter, hefur hingað til ekki verið á því að beygja sig undir lög og reglur. Digital Services Act er meðal annars ætlað að uppræta barnaklám á miðlunum.
Elon Musk, eigandi Twitter, hefur hingað til ekki verið á því að beygja sig undir lög og reglur. Digital Services Act er meðal annars ætlað að uppræta barnaklám á miðlunum. Getty/Chesnot

Forsvarsmenn samfélagsmiðilsins Twitter hafa samþykkt að fara að nýrri löggjöf Evrópusambandsins sem skikkar fyrirtækin til að grípa til ýmissa ráðstafana til að sporna við falsfréttum, áróðri og glæpastarfsemi á miðlunum.

Sendinefnd frá framkvæmdastjórn Evrópusambandsins fékk á dögunum að fara inn í höfuðstöðvar Twitter til að framkvæma æfingu með starfsmönnum Twitter, sem gekk út á að athuga hvernig tekið væri á ofangreindu.

Thierry Breton, sem hefur umsjón með eftirfylgni laganna hjá framkvæmdastjórninni, fagnaði ákvörðun fyrirtækisins að fara að lögum og taka þátt í æfingunni en varaði tæknifyrirtækin jafnframt við því að lögunum yrði framfylgt af fyllstu hörku strax og þau taka gildi í ágúst.

Alls hafa 44 fyrirtæki, þeirra á meðal Meta og Google, tekið þátt í áætlun Evrópusambandsins sem miðar að því að undirbúa þau undir gildistöku laganna.

Ráðamenn höfðu áður varað Elon Musk, eiganda Twitter, við því að ef fyrirtækið færi ekki að lögum í Evrópu ætti það á hættu að verða bannað þar eða sektað um allt að 6 prósent af tekjum á heimsvísu.

Breton, sem var meðal þeirra sem heimsóttu Twitter, sagði fyrirtækið enn eiga langan veg fyrir höndum. Það virtist hins vegar vera að taka málið alvarlega.

Umfjöllun Guardian.

Bandaríkin Evrópusambandið Twitter Samfélagsmiðlar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið