Gremja hafi kraumað undir niðri í ríkisstjórninni Máni Snær Þorláksson og Elísabet Inga Sigurðardóttir skrifa 20. júní 2023 21:22 Eiríkur Bergmann, prófessor í stjórnmálafræði, segir að mikil gremja hafi kraumað niðri undir niðri í ríkisstjórninni. Vísir/Vilhelm/Egill Matvælaráðherra telur ákvörðun hennar um að stöðva hvalveiðar tímabundið ekki stofna stjórnarsamstarfinu í hættu. Formaður Starfsgreinasambandsins segir ákvörðun ráðherra til skammar og reiðarslag fyrir starfsfólk Hvals Hf. Óhætt er að segja að það ríki ekki einhugur um málið innan ríkisstjórnarinnar. Fréttastofa ræddi við nokkra þingmenn Sjálfstæðisflokksins í dag sem sögðu töluverða reiði ríkja vegna málsins. Þá sögðust þeir vissir um að þessi ákvörðun Svandísar Svavarsdóttur matvælaráðherra muni hafa einhver áhrif á ríkisstjórnarsamstarfið. Fjallað var ítarlega um málið í kvöldfréttum Stöðvar 2. Sigurður Ingi Jóhannsson, formaður Framsóknarflokksins, sagði þá í samtali við RÚV í dag að hann væri ósammála ákvörðun Svandísar. Hann telji að meðalhófsreglunni hafi ekki verið fylgt. Þá hefur tímasetningu ákvörðunarinnar verið velt upp, það er hvort hún sé einhvers konar svar við tali formanns Sjálfstæðisflokksins sem fór hörðum orðum um útlendingamál á Bessastöðum í gær. Ákvörðunin sé ekki svar við orðum Bjarna Svandís segir þó að ákvörðunin sé að engu leyti svar við orðum Bjarna. „Nei, þetta er ekki þannig ákvörðun. Hún er efnisleg, málefnaleg og fagleg,“ segir hún. Það væri ekki mjög skynsamlegt að taka ákvörðun af þessari stærðargráðu sem byggðist á öðru eins og því. „Sem svar við einhverri ákveðinni pólitískri stöðu. Þetta snýst um að taka faglega ákvörðun sem byggist á faglegum grunni. Og það er það sem ég er að gera.“ Þá fullyrðir hún að stjórnarsamstarfið sé ekki í hættu vegna ákvörðunarinnar. Ljóst að ákvörðunin varði marga Hefja átti hvalveiðar á morgun og er fyrirvarinn því stuttur. Svandís segist geta skilið stöðu þeirra sem höfðu gert ráðstafanir fyrir sumarið í tengslum við veiðarnar. „Að sjálfsögðu, ég meina þetta er stór ákvörðun og hún varðar marga. Það liggur algjörlega fyrir,“ segir hún. „Það er hins vegar mitt hlutverk og mitt verkefni að afla gagna um þessi mál, auka gagnsæjið, tryggja það að mínar ákvarðanir byggi á bestu mögulegu þekkingu, bestu mögulegu upplýsingum, lögmætum grunni og svo framvegis. Það er þannig sem þessi ákvörðun er fengin.“ Ljóst er að þessi ákvörðun hefur áhrif á marga, varðandi það hver eigi að sjá um þann hóp segir Svandís: „Það er bara alltaf þannig að bein áhrif eru kannski það sem kemur fyrst upp í hugann, síðan eru mjög fjölþætt óbein áhrif og það er alveg ljóst að það eru margir í samfélaginu sem verða fyrir áhrifum af þessari ákvörðun og það verða næstu vikur að leiða í ljós hvernig spilast úr því.“ Gríðarleg áhrif á starfsfólk Fréttastofa reyndi í dag að ná tali af Bjarna Benediktssyni, formanni Sjálfstæðisflokksins, í dag en ekki var hægt að verða við því. Þá var líka reynt að ná í Guðrúnu Hafsteinsdóttir dómsmálaráðherra og aðra ráðherra Sjálfstæðisflokksins en það gekk ekki eftir. Einnig var reynt að ná í Kristján Loftsson hjá Hvali hf. í dag en það bar ekki árangur. Það náðist í nokkra starfsmenn Hvals hf. í síma sem treystu sér ekki í viðtal. Þeir sögðu ákvörðunina hafa gríðarleg áhrif á sig. Margir hafi verið búnir að gera ráðstafanir fyrir sumarið. Einn sagðist sjá fram á gjaldþrot og annar sagðist vera búinn að leigja út húsnæðið sitt því hann ætlaði á veiðar í allt sumar. Reiður og sorgmæddur Vilhjálmur Birgison, formaður Starfsgreinasambandsins, er harðorður í garð Svandísar vegna ákvörðunar hennar í dag. Hann segist reiður og sorgmæddur fyrir hönd þeirra 150 starfsmanna sem voru að búa sig undir vertíðina. „Ég veit fyrir víst að það voru fjörutíu mættir upp í hvalstöð í dag, byrjaðir að vinna. Þannig þetta er algjört reiðarslag fyrir þetta fólk sem var að búa sig undir það að geta aflað sér og sínum fjölskyldum lífsviðurværi næstu þrjá til fjóra mánuðina.“ Hann segir starfsfólkinu líða illa. „Menn náttúrulega eru bara í nettu sjokki og svona vinnubrögð af hálfu matvælaráðherra að koma með svona yfirlýsingar fimm mínútum áður en vertíðin er að hefjast er að mínum dómi henni til ævarandi skammar.“ Þá trúir Vilhjálmur ekki öðru en að þessi ákvörðun muni leiða til stjórnarslita. Eins og blaðra hafi sprungið Eiríkur Bergmann, prófessor í stjórnmálafræði, segir að það sé augljóst að einhver gremja hafi kraumað undir niðri í ríkisstjórninni. „Þau hafa tengst útlendingamálum en líka bara því hversu ólíkir flokkar eru saman í þessari ríkisstjórn. Forystumennirnir hafa náð að halda ágreiningi í skefjum með svona nánu samstarfi sín á milli en í gær, við ráðherraskiptin, þá er eins og einhver blaðra springi og í ljós komi þessi ágreiningur sem hefur verið ansi mikill og skeytin hafa gengið á milli.“ Hann er þó ekki sannfærður um að ríkisstjórnin springi: „Ég er þó ekki viss um að það verði stjórnarslit og ekki endilega þá núna en þetta bendir hins vegar til þess að titringurinn muni aukast í samstarfinu og að það þurfi minna til, til þess að þessi ríkisstjórn falli heldur en við héldum kannski fyrir gærdaginn. Sem fyrr segir sagði Svandís í dag að ríkisstjórnin væri ekki í hættu. Eiríkur bendir þó á að það segi ekki allt. „Forystumenn ríkisstjórnar segja á öllum tímum að ríkisstjórn sé ekki í hættu þar til að hún springur. Það er nú bara „standard“ svar því um leið og menn gæfu aðdrátt um eitthvað annað, þá er nú fjandinn laus.“ Ríkisstjórn Katrínar Jakobsdóttur Hvalveiðar Vinstri græn Sjálfstæðisflokkurinn Framsóknarflokkurinn Mest lesið Boðar „norsku leiðina“ í útlendingamálum Innlent Neyddur til að taka ketamín og sjónvarpi kastað í höfuð hans Innlent Reyndist ekki borgunarmaður fyrir vikudvölinni Innlent Ekið á gangandi vegfaranda við Kaplakrika Innlent Handtökuskipun gefin út á hendur þingmönnum Demókrataflokksins Erlent Vill að maðurinn viðurkenni að hann sé ekki faðir drengsins Innlent Þýskir klettaklifrarar slógust í hóp með björgunarmönnum Innlent Sendir „dylgjur“ Haralds aftur til föðurhúsanna Innlent Tollar Trumps muni hafa tilætluð áhrif Innlent Ferðamenn gangi á eigin ábyrgð til leiks við náttúru Íslands Innlent Fleiri fréttir Enn má búast við gosmóðu þó eldgosinu sé lokið í bili Flutti lítra af kókaínvökva til landsins gegn greiðslu „Samstaða skapar samfélag“ er þema Hinsegin daga Strangari reglur og ný gjaldskrá til að „tempra kraftmikla fólksfjölgun“ Neyddur til að taka ketamín og sjónvarpi kastað í höfuð hans Tollar Trumps muni hafa tilætluð áhrif Sendir „dylgjur“ Haralds aftur til föðurhúsanna Allt bendir til þess að eldgosinu sé lokið Vörubifreið ekið á vegfarandann Útlendingamálin, Reynisfjara og Hinsegin dagar Ferðamenn gangi á eigin ábyrgð til leiks við náttúru Íslands Ekið á gangandi vegfaranda við Kaplakrika Boðar „norsku leiðina“ í útlendingamálum Mjög lítil virkni en mallar enn Reyndist ekki borgunarmaður fyrir vikudvölinni Ekki stóra málið hvað við köllum „leyniþjónustuna“ Þýskir klettaklifrarar slógust í hóp með björgunarmönnum Vill að maðurinn viðurkenni að hann sé ekki faðir drengsins Íbúar á gömlum og fallegum dráttarvélum í Hrísey Þrettán kærðir fyrir ölvunarakstur og hundruð stöðvuð vegna hraðaksturs „Þá hafa þau aðgang að öllum gögnum íslenska ríkisins meira og minna“ Óróinn hríðfellur og goslok líklega í aðsigi Sigurður Björnsson óperusöngvari látinn Viðkvæm gögn í höndum Bandaríkjamanna og eftirlit lögreglu „Fólk er reitt, sárt og finnst það ekki geta treyst sveitarfélaginu“ Öryggi á ferðamannastöðum: Ríkið geti talist brotlegt við mannréttindasáttmála Mikill kraftur í íslensku atvinnulífi Harma að upplýsingar um mengað vatnsból hafi ekki borist strax til íbúa Fagna frestun framkvæmda í Heiðmörk Umdeildum framkvæmdum frestað og mengun í drykkjarvatni Sjá meira
Óhætt er að segja að það ríki ekki einhugur um málið innan ríkisstjórnarinnar. Fréttastofa ræddi við nokkra þingmenn Sjálfstæðisflokksins í dag sem sögðu töluverða reiði ríkja vegna málsins. Þá sögðust þeir vissir um að þessi ákvörðun Svandísar Svavarsdóttur matvælaráðherra muni hafa einhver áhrif á ríkisstjórnarsamstarfið. Fjallað var ítarlega um málið í kvöldfréttum Stöðvar 2. Sigurður Ingi Jóhannsson, formaður Framsóknarflokksins, sagði þá í samtali við RÚV í dag að hann væri ósammála ákvörðun Svandísar. Hann telji að meðalhófsreglunni hafi ekki verið fylgt. Þá hefur tímasetningu ákvörðunarinnar verið velt upp, það er hvort hún sé einhvers konar svar við tali formanns Sjálfstæðisflokksins sem fór hörðum orðum um útlendingamál á Bessastöðum í gær. Ákvörðunin sé ekki svar við orðum Bjarna Svandís segir þó að ákvörðunin sé að engu leyti svar við orðum Bjarna. „Nei, þetta er ekki þannig ákvörðun. Hún er efnisleg, málefnaleg og fagleg,“ segir hún. Það væri ekki mjög skynsamlegt að taka ákvörðun af þessari stærðargráðu sem byggðist á öðru eins og því. „Sem svar við einhverri ákveðinni pólitískri stöðu. Þetta snýst um að taka faglega ákvörðun sem byggist á faglegum grunni. Og það er það sem ég er að gera.“ Þá fullyrðir hún að stjórnarsamstarfið sé ekki í hættu vegna ákvörðunarinnar. Ljóst að ákvörðunin varði marga Hefja átti hvalveiðar á morgun og er fyrirvarinn því stuttur. Svandís segist geta skilið stöðu þeirra sem höfðu gert ráðstafanir fyrir sumarið í tengslum við veiðarnar. „Að sjálfsögðu, ég meina þetta er stór ákvörðun og hún varðar marga. Það liggur algjörlega fyrir,“ segir hún. „Það er hins vegar mitt hlutverk og mitt verkefni að afla gagna um þessi mál, auka gagnsæjið, tryggja það að mínar ákvarðanir byggi á bestu mögulegu þekkingu, bestu mögulegu upplýsingum, lögmætum grunni og svo framvegis. Það er þannig sem þessi ákvörðun er fengin.“ Ljóst er að þessi ákvörðun hefur áhrif á marga, varðandi það hver eigi að sjá um þann hóp segir Svandís: „Það er bara alltaf þannig að bein áhrif eru kannski það sem kemur fyrst upp í hugann, síðan eru mjög fjölþætt óbein áhrif og það er alveg ljóst að það eru margir í samfélaginu sem verða fyrir áhrifum af þessari ákvörðun og það verða næstu vikur að leiða í ljós hvernig spilast úr því.“ Gríðarleg áhrif á starfsfólk Fréttastofa reyndi í dag að ná tali af Bjarna Benediktssyni, formanni Sjálfstæðisflokksins, í dag en ekki var hægt að verða við því. Þá var líka reynt að ná í Guðrúnu Hafsteinsdóttir dómsmálaráðherra og aðra ráðherra Sjálfstæðisflokksins en það gekk ekki eftir. Einnig var reynt að ná í Kristján Loftsson hjá Hvali hf. í dag en það bar ekki árangur. Það náðist í nokkra starfsmenn Hvals hf. í síma sem treystu sér ekki í viðtal. Þeir sögðu ákvörðunina hafa gríðarleg áhrif á sig. Margir hafi verið búnir að gera ráðstafanir fyrir sumarið. Einn sagðist sjá fram á gjaldþrot og annar sagðist vera búinn að leigja út húsnæðið sitt því hann ætlaði á veiðar í allt sumar. Reiður og sorgmæddur Vilhjálmur Birgison, formaður Starfsgreinasambandsins, er harðorður í garð Svandísar vegna ákvörðunar hennar í dag. Hann segist reiður og sorgmæddur fyrir hönd þeirra 150 starfsmanna sem voru að búa sig undir vertíðina. „Ég veit fyrir víst að það voru fjörutíu mættir upp í hvalstöð í dag, byrjaðir að vinna. Þannig þetta er algjört reiðarslag fyrir þetta fólk sem var að búa sig undir það að geta aflað sér og sínum fjölskyldum lífsviðurværi næstu þrjá til fjóra mánuðina.“ Hann segir starfsfólkinu líða illa. „Menn náttúrulega eru bara í nettu sjokki og svona vinnubrögð af hálfu matvælaráðherra að koma með svona yfirlýsingar fimm mínútum áður en vertíðin er að hefjast er að mínum dómi henni til ævarandi skammar.“ Þá trúir Vilhjálmur ekki öðru en að þessi ákvörðun muni leiða til stjórnarslita. Eins og blaðra hafi sprungið Eiríkur Bergmann, prófessor í stjórnmálafræði, segir að það sé augljóst að einhver gremja hafi kraumað undir niðri í ríkisstjórninni. „Þau hafa tengst útlendingamálum en líka bara því hversu ólíkir flokkar eru saman í þessari ríkisstjórn. Forystumennirnir hafa náð að halda ágreiningi í skefjum með svona nánu samstarfi sín á milli en í gær, við ráðherraskiptin, þá er eins og einhver blaðra springi og í ljós komi þessi ágreiningur sem hefur verið ansi mikill og skeytin hafa gengið á milli.“ Hann er þó ekki sannfærður um að ríkisstjórnin springi: „Ég er þó ekki viss um að það verði stjórnarslit og ekki endilega þá núna en þetta bendir hins vegar til þess að titringurinn muni aukast í samstarfinu og að það þurfi minna til, til þess að þessi ríkisstjórn falli heldur en við héldum kannski fyrir gærdaginn. Sem fyrr segir sagði Svandís í dag að ríkisstjórnin væri ekki í hættu. Eiríkur bendir þó á að það segi ekki allt. „Forystumenn ríkisstjórnar segja á öllum tímum að ríkisstjórn sé ekki í hættu þar til að hún springur. Það er nú bara „standard“ svar því um leið og menn gæfu aðdrátt um eitthvað annað, þá er nú fjandinn laus.“
Ríkisstjórn Katrínar Jakobsdóttur Hvalveiðar Vinstri græn Sjálfstæðisflokkurinn Framsóknarflokkurinn Mest lesið Boðar „norsku leiðina“ í útlendingamálum Innlent Neyddur til að taka ketamín og sjónvarpi kastað í höfuð hans Innlent Reyndist ekki borgunarmaður fyrir vikudvölinni Innlent Ekið á gangandi vegfaranda við Kaplakrika Innlent Handtökuskipun gefin út á hendur þingmönnum Demókrataflokksins Erlent Vill að maðurinn viðurkenni að hann sé ekki faðir drengsins Innlent Þýskir klettaklifrarar slógust í hóp með björgunarmönnum Innlent Sendir „dylgjur“ Haralds aftur til föðurhúsanna Innlent Tollar Trumps muni hafa tilætluð áhrif Innlent Ferðamenn gangi á eigin ábyrgð til leiks við náttúru Íslands Innlent Fleiri fréttir Enn má búast við gosmóðu þó eldgosinu sé lokið í bili Flutti lítra af kókaínvökva til landsins gegn greiðslu „Samstaða skapar samfélag“ er þema Hinsegin daga Strangari reglur og ný gjaldskrá til að „tempra kraftmikla fólksfjölgun“ Neyddur til að taka ketamín og sjónvarpi kastað í höfuð hans Tollar Trumps muni hafa tilætluð áhrif Sendir „dylgjur“ Haralds aftur til föðurhúsanna Allt bendir til þess að eldgosinu sé lokið Vörubifreið ekið á vegfarandann Útlendingamálin, Reynisfjara og Hinsegin dagar Ferðamenn gangi á eigin ábyrgð til leiks við náttúru Íslands Ekið á gangandi vegfaranda við Kaplakrika Boðar „norsku leiðina“ í útlendingamálum Mjög lítil virkni en mallar enn Reyndist ekki borgunarmaður fyrir vikudvölinni Ekki stóra málið hvað við köllum „leyniþjónustuna“ Þýskir klettaklifrarar slógust í hóp með björgunarmönnum Vill að maðurinn viðurkenni að hann sé ekki faðir drengsins Íbúar á gömlum og fallegum dráttarvélum í Hrísey Þrettán kærðir fyrir ölvunarakstur og hundruð stöðvuð vegna hraðaksturs „Þá hafa þau aðgang að öllum gögnum íslenska ríkisins meira og minna“ Óróinn hríðfellur og goslok líklega í aðsigi Sigurður Björnsson óperusöngvari látinn Viðkvæm gögn í höndum Bandaríkjamanna og eftirlit lögreglu „Fólk er reitt, sárt og finnst það ekki geta treyst sveitarfélaginu“ Öryggi á ferðamannastöðum: Ríkið geti talist brotlegt við mannréttindasáttmála Mikill kraftur í íslensku atvinnulífi Harma að upplýsingar um mengað vatnsból hafi ekki borist strax til íbúa Fagna frestun framkvæmda í Heiðmörk Umdeildum framkvæmdum frestað og mengun í drykkjarvatni Sjá meira