Keyrði á tvo kyrr­stæða bíla og stakk af

Ekki kemur í dagbók lögreglunnar á höfuðborgarsvæðinu hvort ökumaðurinn hafi verið handtekinn.

Mjög rólegt hefur verið hjá lögreglunni í dag að öðru leyti. 

Eitthvað var um hraðakstur og klukkan sex í morgun var ökumaður stöðvaður á 130 kílómetra hraða á Suðurlandsvegi. Hámarkshraði á veginum er aðeins 90 kílómetra hraði á klukkustund.

Þá varð umferðarslys á Dalvegi klukkan 13:30 í dag og slösuðust tveir lítillega. Þá varð árekstur rétt fyrir klukkan 15 á Skemmuvegi í Kópavogi. Ökumenn slösuðust ekki en deildu um málsatvik og var lögregla því kölluð til. Önnur bifreiðin varð óökufær eftir áreksturinn.