Erlent

Stjórnar­and­staðan vann mikinn sigur í Taí­landi

Atli Ísleifsson skrifar
Hinn 42 ára Pita Limjaroenrat er líklegur til að verða næsti forsætisráðherra Taílands.
Hinn 42 ára Pita Limjaroenrat er líklegur til að verða næsti forsætisráðherra Taílands. AP

Stjórnarandstöðuflokkar í Taílandi unnu mikinn sigur í þingkosningunum sem fram fóru um helgina og virðast landsmenn hafa snúið baki við hernum sem stýrt hefur landinu síðustu ár.

Bráðabirgðatölur benda til að flokkurinn Förum áfram hafi tryggt sér rúmlega 150 af þeim fimm hundruð þingsætum sem í boði eru. Flokkurinn er nú með tíu þingsæti fleiri en flokkurinn Pheu Thai sem Paetongtarn Shinawatra, dóttir Thaksin Shinawatra, leiðir.

Stjórnarandstöðuflokkarnir hafa talað fyrir róttækum breytingum á stjórnkerfi landsins og segja fréttaskýrendur að niðurstöður kosninganna bendi til að miklar breytingar á almenningsáliti hafi orðið.

Bandalag tveggja stjórnarflokka, sem hafa stutt herstjórnina, hlutu einungis um fimmtán prósent þingsæta, þar með talinn flokkur forsætisráðherrans Prayuth Chan-ocha sem leiddi valdarán hersins árið 2014.

Hinn 42 ára Pita Limjaroenrat, leiðtogi flokksins Förum áfram, sagði á samfélagsmiðlum eftir að línur voru teknar að skýrast, að hann væri reiðubúinn að taka við sem þrítugasti forsætisráðherra landsins.

Pita sagðist sömuleiðis tilbúinn að fara í stjórnarmyndunarviðræður með fimm flokkum, meðal annars Pheu Thai.

Taíland

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið