Erlent

Átta látnir í annarri skot­á­rásinni í Serbíu á tveimur dögum

Gunnar Reynir Valþórsson skrifar
Lögregla var með mikinn viðbúnað á vettvangi og réðist strax í umfangsmikla leit að gerandanum.
Lögregla var með mikinn viðbúnað á vettvangi og réðist strax í umfangsmikla leit að gerandanum. AP/Armin Durgut

Átta eru látnir og tíu særðir eftir skotárás í Serbíu í gærkvöldi. Þetta er önnur skotárásin í landinu á jafnmörgum dögum en í fyrradag létust átta nemendur og öryggisvörður í barnaskóla í höfuðborginni Belgrad.

Árásin í gærkvöldi átti sér stað í þorpi suður af Belgrad þar sem byssumaður skaut af vélbyssu úr bíl sem var á ferð. Staðarmiðlar segja að tvítugur maður hafi byrjað að skjóta á hóp fólks eftir að hann lenti í deilum við lögreglumann í þorpinu Dubona. Hann hafi síðan flúið á bíl og haldið skothríðinni áfram.

Lögregla er með mikinn viðbúnað á svæðinu og tóku um 600 lögregluþjónar þátt í aðgerðum. 

Grunaði fannst eftir umfangsmikla leit.

Tveir eru sagðir í alvarlegu ástandi eftir að hafa gengist undir uppskurð í nótt en hin slösuðu eru öll á þrítugsaldri. 

Hingað til hafa slíkar fjöldaárásir með skotvopni verið afar fátíðar í Serbíu þar sem skotvopnalöggjöfin er afar hörð. Hins vegar er skotvopnaeign mjög almenn í landinu en talið er að tæplega 40 byssur séu á hverja 100 íbúa, sem er þriðja hæsta hlutfall í heimi, á eftir Bandaríkjunum og nágrönnunnum í Svartfjallalandi.

rbía

Serbía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið