Erlent

Brjóst­góð stytta fer fyrir brjóstið á Í­tölum

Bjarki Sigurðsson skrifar
Styttan var gerð af nemum við Luigi Rosso listaskólann.
Styttan var gerð af nemum við Luigi Rosso listaskólann. Monopoli Times

Stytta af hafmeyju í héraðinu Puglia, sunnarlega á Ítalíu, hefur vakið mikla athygli og segja einhverjir hana vera of ögrandi. Styttan var gerð af listnemum í skóla í nágrenninu.

Styttan var nýlega sett upp á torgi sem nefnt er eftir vísindakonunni Rita Levi-Montalcini. Þykir styttan af hafmeyjunni afar djörf og ögrandi. Fjöldi fólks hefur tjáð sig um hana á samfélagsmiðlum. 

„Þetta lítur út eins og hafmeyja með tvö sílikonbrjóst og risastóran rass sem ég hef aldrei séð á hafmeyju áður. Að minnsta kosti ekki svo ég viti,“ skrifaði leikkonan Tiziana Shiacarelli á Facebook-færslu um styttuna.

Séð aftan á styttuna.Monopoli Times

Adolfo Marcian, yfirkennari hjá Luigi Rosso listaskólanum, bendir á að þarna sé verið að stuðla að öðruvísi staðalímyndum en venjulegt er að gert sé á samfélagsmiðlum, auglýsingum og í kvikmyndum, en nemendur í skólanum hönnuðu styttuna. 

„Í auglýsingum í sjónvarpinu eru fyrirsæturnar mjög grannar, en þessi hafmeyja er virðingarvottur um konur sem eru stærri en það,“ hefur The Guardian eftir Marcian.

Styttan verður afhjúpuð og vígð á næstu dögum. 

Ítalía Styttur og útilistaverk
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið