Þetta glæsihýsi við Sjafnargötu í miðbæ Reykjavíkur leitar nú nýs eiganda.Fasteignaljósmyndun/Samsett
Athafnamaðurinn Grímur Garðarsson, eigandi Bestseller á Íslandi sem rekur tískuvöruverslanirnar Vero Moda, Jack & Jones, Vila og Name It, hefur sett einstakt heimili sitt í miðbæ Reykjavíkur á sölu.
Um er að ræða glæsihýsi í svokölluðum funiks-stíl sem stendur við Sjafnargötu 14. Húsið er smekklega innréttað og er óhætt að segja að grár litur sé ríkjandi inni á heimilinu.
Húsið er rúmlega 380 fermetrar og er á tveimur hæðum auk kjallara. Húsið var byggt árið 1930 en það var endurnýjað að miklu leyti árið 2020.
Í húsinu er meðal annars að finna sjö svefnherbergi, fjögur baðherbergi og þaksvalir með stórbrotnu útsýni.
Óskað er eftir tilboði í húsið en fasteignamat þess nemur rúmlega 233 milljónum.
Hér að neðan má sjá myndir af húsinu en nánari upplýsingar er að finna á Fasteignavef Vísis.
Húsið stendur við Sjafnargötu 14.FasteignaljósmyndunEldhús og borðstofa eru samliggjandi á miðhæð hússins.FasteignaljósmyndunHeimilið er smekklega innréttað frá toppi til táar.FasteignaljósmyndunÍ húsinu er að finna fjögur svefnherbergi.FasteignaljósmyndunEitt af sjö svefnherbergjum hússins.FasteignaljósmyndunLíkamsrækt hefur verið komið fyrir í kjallara hússins.FasteignaljósmyndunHúsinu fylgja rúmgóðar þaksvalir með stórbrotnu útsýni.Fasteignaljósmyndun
