Erlent

Segjast hafa fellt manninn að baki á­rásinni á al­þjóða­vellinum í Kabúl

Gunnar Reynir Valþórsson skrifar
Stilla úr myndskeiði sem tekið var á alþjóðaflugvellinum í Kabúl skömmu fyrir árásina.
Stilla úr myndskeiði sem tekið var á alþjóðaflugvellinum í Kabúl skömmu fyrir árásina. AP

Talíbanar í Afganistan segjast hafa drepið einn af leiðtogum ISIS samtakanna þar í landi. Nafn mannsins hefur ekki verið gert opinbert en hann er sagður hafa staðið á bak við árás á flugvöllinn í Kabúl árið 2021, þar sem 170 óbreyttir borgarar og þrettán bandarískir hermenn létu lífið.

Árásin var gerð þegar mannfjöldi var á vellinum að reyna að flýja land áður en Talíbanar tóku þar öll völd. 

New York Times segir að bandarísk yfirvöld hafi frétt af andláti mannsins í byrjun þessa mánaðar en að óljóst sé hvort hann hafi fallið í bardögum á milli ISIS og Talíbana, sem standa sífellt yfir í Afganistan, eða hvort Talíbanar hafi markvisst reynt að ná honum. 

Bandarísk hernaðaryfirvöld hafa nú látið fjölskyldur hermannanna sem létust vita af því að höfuðpaurinn hafi verið drepinn. 

Nokkrum dögum eftir árásina á flugvöllinn gerðu Bandaríkjamenn drónaárás í Kabúl þar sem átti að fella skipuleggjanda árásarinnar en sú aðgerð misheppnaðist og tíu óbreyttir borgarar létu lífið, þar af sjö börn.

Afganistan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið