Strákarnir okkar þurfa að vera á tánum í Drive Inn Arena

Liðið hefur eytt síðustu dögum í Tel Aviv þar sem leikurinn fer fram á morgun.

Íslensku strákarnir æfðu í gær í Drive Inn Arena þar sem leikið verður á fimmtudaginn en höllin tekur 3.500 áhorfendur. Það er uppselt á leikinn og það verður því flott stemning í höllinni.

Íslenska liðið er á toppnum í riðlinum og tryggir sér sigur í honum með því að vinna tvo síðustu leiki sína en sá síðasti verður á móti Eistlandi í Laugardalshöllinni um helgina.

Ísrael vann heimaleik sinn á móti Eistlandi með tveimur mörkum en tapaði með tíu mörkum í heimaleiknum við Tékka.

Ágúst Jóhannsson og Gunnar Magnússon landsliðsþjálfarar funduðu síðan með leikmönnum seinni partinn í gær þar sem línurnar voru lagðar fyrir leikinn.

Hér fyrir neðan má sjá nokkrar myndir af strákunum.