Skálduðu við­tal við Michael Schumacher með að­stoð gervi­greindar

Die Aktuelle birti á dögunum viðtal sem kynnt var sem fyrsta viðtalið við Schumacher síðan hann varð fyrir alvarlegum höfuðáverkum í skíðaslysi árið 2013. 

Schumacher hefur verið í dái síðan slysið varð en hann hefur notið læknisaðstoðar á heimili hans og fjölskylda hans hefur haldið sig að mestu utan kastljóss fjölmiðla. 

Svörin sem höfð voru eftir Schumacher í viðtalinu voru fengin með aðstoð gervigreindar en þessi sjöfaldi Formúlu 1-meistari hefur ekki sést opinberlega eftir slysið.

Á forsíðu Die Aktuelle er mynd af Schumacher brosandi og þar undir kemur síðan fyrirsögnin þar sem segir Michael Schumacher, fyrsta viðtalið. Svo segir þetta hljómaði mjög raunveruleggt. 

„Ég get með aðstoð teymisins í kringum mig staðið á eigin fótum og gengið rólgea nokkur skref," segir gervigreind Schumacher. 

„Eiginkona mín og börnin mín voru guðs gjöf og án þeirra hefði ég ekki komist í gegnum þetta. Að sjálfsögðu voru þau sjálf einnig mjög sorgmædd vegna þess sem gerðist. Þau studdu mig hins vegar heilshugar og stóðu þétt við bakið á mér," segir gervigreindin enn fremur. 

Fjölskylda Schumacher staðfesti í samtali við Reuters að lögsókn vegna viðtalsins uppdiktaða væri í buðarliðnum. Úthefendur Die Aktuelle vildu ekki tjá sig þegar BBC leitaði eftir viðbrögðum þeirra.