Minnst fjögur látin eftir að jarðskjálfti skók Ekvador

Máni Snær Þorláksson skrifar 18. mars 2023 21:32

Minnst fjögur eru látin vegna jarðskjálftans. Getty/Anadolu Agency

Að minnsta kosti fjögur létu lífið í kjölfar jarðskjálfta að stærð reið yfir Ekvador í dag. Jarðskjálftinn átti upptök á um 65 kílómetra dýpi í grennd við bæinn Baláo.

Jarðskjálftinn, sem var 6,8 að stærð, skók suðurhluta Ekvador og norðurhluta Perú. Ekki er talin hætta á flóðbylgjum vegna skjálftans.

Staðfest andlát vegna skjálftans eru fjögur. Einn einstaklingur lét lífið er veggur hrundi á bíl hans. Hin þrjú létust er turn sem hélt uppi öryggismyndavélum féll á þau. Fleiri festust undir rústum og er nú unnið að því að bjarga þeim.

Guillermo Lasso, forseti Ekvador, birti færslu á Twitter-síðu sinni fyrr í kvöld þar sem hann bað íbúa landsins um að halda ró sinni. Þá bað hann fólk um að fylgjast með upplýsingum í gegnum opinbera fjölmiðla.

Ekvador Eldgos og jarðhræringar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.